走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
目的：鼓勵該猶在接待過路傳道人的事奉上繼續見證主。
| 1:1 | 做長老的批寄互所疼的該猶，就是我佇真理所疼的。 |
|---|---|
| 1:2 | 所疼的兄弟啊，我願你萬事會亨通，勇健，親像你的靈魂亨通一樣。 |
| 1:3 | 因為有兄弟來干證你所存的真理，親像你佇真理啲行，我就真歡喜。 |
| 1:4 | 我聽見我的子兒佇真理啲行，我的歡喜無卡大佇此個。 |
| 1:5 | 所疼的兄弟啊，見若你所款待出外的兄弟的是忠信的所行。 |
| 1:6 | 𪜶曾佇教會的面前干證你的疼痛；你若合佇上帝給𪜶送行，就是做好事。 |
| 1:7 | 因為𪜶為著伊的名出外，無對外邦人提甚麼物。 |
| 1:8 | 所以彼號人咱應該接接𪜶，互咱為著真理做同著磨的。 |
| 1:9 | 我已經有寫淡薄互教會，獨獨𪜶中間愛做頭的丟特腓無接納阮。 |
| 1:10 | 所以我若來，欲記得伊所行的事，就是伊用歹話濫糝講阮。閣無掠此個做夠額，本身呣接納兄弟，有人愛接納，伊就阻擋，續革𪜶出教會。 |
| 1:11 | 所疼的兄弟啊，呣通學歹，著學好。行好的是對上帝出；行歹的未曾看見上帝。 |
| 1:12 | 低米丟互眾人所干證，真理也家己做伊的干證，阮也做干證。你知阮的干證是真。 |
| 1:13 | 我有多多項愛寫互你，若是呣愛用筆墨寫互你， |
| 1:14 | 是向望緊緊見你，咱才欲當面講。 |
| 1:15 | 願你平安。諸個朋友給你請安。請你隨一名給許個朋友請安。 |
- 本章節結束 -
