走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
目的：駁斥異端，為真道辯護。
| 1:1 | 耶穌基督的奴僕，雅各的兄弟猶大，批寄互受召的、佇父上帝得著疼、為著耶穌基督來保守者。 |
|---|---|
| 1:2 | 願憐憫、平安、疼痛、加添多多互恁。 |
| 1:3 | 所疼的兄弟啊，我本真致意欲寫批互恁，議論咱相及有份的拯救，當彼時就不得不著寫批苦勸恁，為著做一下交代佇聖徒的道理來出力交戰。 |
| 1:4 | 因為有幾若人暗靜入來，就是早代先定著欲受此個審判的，𪜶是不虔的人，將咱的上帝的恩反轉做放縱的因由，也呣認獨一的主宰──咱的主耶穌基督。 |
| 1:5 | 恁是已經識萬事的人，今我愛互恁會記得，就是主已經救百姓出埃及地，後來滅無許個呣信的。 |
| 1:6 | 閣有天使無守𪜶的本質、離開家己徛起的所在，主用永遠的鎖鍊禁收𪜶佇黑暗的下面，到佇大日期的審判。 |
| 1:7 | 親像所多瑪、蛾摩拉以及四圍的城，也同𪜶的款來行淫亂，趁逆性的色慾，就受永遠的火的刑罰，下啲做鑑戒。 |
| 1:8 | 若是諸個人也親像按呢，佇𪜶的眠夢拍垃墋肉體，也藐視辦政事的，褻瀆尊貴的。 |
| 1:9 | 至大的天使米迦勒及魔鬼相爭的時，為著摩西的身屍辯論，尚且呣敢用謗瀆的話責罪伊，只有講：「願主責備你！」 |
| 1:10 | 獨獨諸個人褻瀆見若𪜶所呣知的。閣𪜶本性所會曉得的親像無靈性的活物，佇諸個家己敗壞。 |
| 1:11 | 𪜶有災禍啊！因為𪜶有行該隱的路，為著財利走𧽵佇巴蘭的錯誤，受滅無佇可拉的違逆。 |
| 1:12 | 𪜶佇恁的和愛席是做暗的石礁，及恁像桌。𪜶養飼家己，攏無驚畏；𪜶是無雨的雲，互風吹過去；是秋天無果子的樹，死了閣死，根頭攏拔起來； |
| 1:13 | 是海的狂湧，吐出家己通見誚的沫；是離開𪜶的所在的星，有黑黑暗暗留啲聽候𪜶到佇永遠。 |
| 1:14 | 亞當第七代的孫以諾讖語諸個人講：「看啊！主及伊萬萬個聖者來， |
| 1:15 | 來審判眾人，來責罪一切無敬虔的人，為著𪜶用無敬虔所行一切無敬虔的事，及見若無敬虔的罪人所講橫惡攻擊伊的話。」 |
| 1:16 | 諸個人耦耦唸，怨慼，照𪜶的私慾來行，𪜶的嘴講誇口的話，為著財利來諂媚人。 |
| 1:17 | 所疼的兄弟啊，今恁著記得咱的主耶穌基督的使徒所代先講的話。 |
| 1:18 | 有給恁講，路尾的時欲有戲謔的人照𪜶家己無敬虔的私慾來行。 |
| 1:19 | 𪜶許個是分黨的、趁血氣、無有神。 |
| 1:20 | 若是所疼的兄弟啊，著佇恁至聖的信家己起造，佇聖神來祈禱， |
| 1:21 | 著佇上帝的疼家己保守，向望咱的主耶穌基督的憐憫，到永活。 |
| 1:22 | 有僥疑者，恁著憐憫伊； |
| 1:23 | 有的，恁著搶𪜶出火，來救𪜶；有的，恁著驚惶來憐憫伊，連彼個互肉體拍垃墋的衣服也著厭惡伊。 |
| 1:24 | 今會照顧恁無著觸、也互恁徛佇伊榮光的面前，無瑕疵、有快樂的，就是獨一的上帝──咱的救主， |
| 1:25 | 願榮光、威嚴、權能、氣力，對咱的主耶穌基督攏歸伊，對萬古以前及現今，直到萬世。阿們！ |
- 本章節結束 -
