走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 4:1 | 波阿斯上到城門，坐佇遐，抵當波阿斯所講彼個該親的對遐過。伊就對伊講：「某人啊，請你越來遮坐。」伊就越去坐。 |
|---|---|
| 4:2 | 波阿斯閣對本城的長老中叫十人來，給𪜶講：「請恁坐踮遮。」𪜶就坐。 |
| 4:3 | 波阿斯對彼個至親的講：「對摩押地倒來的拿俄米，今賣伊彼份的園是本屬咱的兄以利米勒的； |
| 4:4 | 我意思欲通知你講，著佇諸個坐啲的人的面前及我的百姓的長老的面前，買伊。你若欲贖，就贖伊，若呣贖伊，就明明講互我知，因為你以外無別人通贖伊，第二就是我。」伊應講：「我欲贖伊。」 |
| 4:5 | 波阿斯講：「你對拿俄米的手買彼份園的日，也著對死人的某摩押的查某子路得買伊，來建立死人的名佇伊的業。」 |
| 4:6 | 彼個至親的講：「我𣍐會為家己贖伊，驚了我礙著家己的業。我贖業的權你通為家己掌伊，因為我𣍐會贖伊。」 |
| 4:7 | 前，佇以色列中欲決定甚麼事，或是贖回，或是交換，此人著褪鞋互彼人。以色列人攏用此個做證據的例。 |
| 4:8 | 彼個至親對波阿斯講：「你為家己買伊！」伊就褪家己的鞋。 |
| 4:9 | 波阿斯給長老及眾百姓講：「恁今仔日做干證，見若屬以利米勒見若屬基連、瑪倫的，我攏對拿俄米的手買來； |
| 4:10 | 閣買瑪倫的某摩押的查某子路得做我的某，通建立死人的名佇伊的業，互死人的名無絕佇伊的兄弟中及伊的本城。恁今仔日做干證。」 |
| 4:11 | 佇城門啲坐許個眾百姓及長老講：「阮做干證。願耶和華互入你的家的婦仁人，親像建立以色列家拉結、利亞二人一樣。閣願你佇以法他做豪傑，佇伯利恆做有名聲的。 |
| 4:12 | 也願你的家對耶和華用此個查某子所欲賞賜你的後裔，成做親像法勒斯的家就是他瑪給猶大所生的。」 |
| 4:13 | 對按呢，波阿斯娶路得做某，已經及伊同房。耶和華互伊懷孕生一個子。 |
| 4:14 | 許個婦仁人對拿俄米講：「耶和華是應該謳咾的！因為伊今仔日無放拺你，致到你無至親的人。願此個囝仔佇以色列中得著名聲。 |
| 4:15 | 伊欲復倒你的精英，奉養你的年老，因為生伊者就是你彼個疼你的媳婦。對佇你比七個子猶卡好的！」 |
| 4:16 | 拿俄米抱彼個囝仔下佇伊的胸前，育伊親像老母。 |
| 4:17 | 厝邊許個婦仁人就給伊號名講：「拿俄米有得著囝仔啦！」就叫伊的名俄備得。伊是耶西的老父，耶西是大衛的老父。 |
| 4:18 | 法勒斯的後裔記佇下底：法勒斯生希斯崙； |
| 4:19 | 希斯崙生蘭；蘭生亞米拿達； |
| 4:20 | 亞米拿達生拿順；拿順生撒門； |
| 4:21 | 撒門生波阿斯；波阿斯生俄備得； |
| 4:22 | 俄備得生耶西；耶西生大衛。 |
- 本章節結束 -
上一章