台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

那鴻書第2章

章節快速選擇 :

上下篇聖經查閱：彌迦書哈巴谷書回到目錄

2:1	破壞者上到你的面前。你著顧守衛所，持防路頭，腰著嚴硬，氣力極堅固。
2:2	（因為耶和華復倒雅各的榮光，親像以色列的榮光；）因為搶劫者已經搶劫伊，閣毀壞𪜶的葡萄枝。
2:3	伊的勇士的盾牌是紅的，戰士攏穿朱紅衫。佇伊備辦交戰的日，戰車的鋼鐵炎炎閃，伊的槍舞來舞去。
2:4	車佇街路亂亂，佇開闊的所在挨挨擠擠，款式親像火把，緊緊走親像閃爁。
2:5	伊點算伊的貴族；𪜶步行顛倒，緊緊到城牆，備辦保護的器具。
2:6	許個河截攏開，宮殿消滅。
2:7	王后受凌辱，互人掠去；宮女搥胸，哀哮親像鴿的聲。
2:8	尼尼微對早以來，親像聚集水的池；今𪜶攏逃走。有人叫講：停腳！停腳！總是無人越頭看。
2:9	搶伊的銀劫伊的金！所積聚的無限量，娞的古董極豐盛。
2:10	今空虛啦，空空啦，拋荒啦，心失膽，腳頭窩相磕，腰攏痛疼，面攏變色。
2:11	獅的穴及細隻獅食物的所在？就是公的獅、母的獅、細隻獅、四界行、無著驚的所在，今佇叨落啊？
2:12	大隻獅拆裂物互細隻獅食夠額，為著母的獅咬死活物，將所拆裂的囤滿伊的穴，將所咬著的積滿伊的洞。
2:13	萬軍的耶和華講：「看啊，我攻擊你，閣佇火熏中燒歹伊的馬車，刀劍也欲吞滅你的細隻獅。我欲對地上除滅你所搶掠者，你的使者的聲無閣互人聽見。」

- 本章節結束 -