走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 3:1 | 有災禍啊？互人流血的城，有詭詐強暴滿滿──搶劫無息。 |
|---|---|
| 3:2 | 有馬鞭的聲，有車輪呼呼哮的聲，馬徛徛跳，車吭吭哮，咈咈 |
| 3:3 | 馬兵進前，刀劍光爁爁，伊的槍炎炎閃，受刣者不止多，身屍成大堆，身屍𣍐算得，人跋倒佇死人的頂面， |
| 3:4 | 因為娞的娼妓有多多淫行，慣練做尪姨，用伊的淫行迷惑列國，用伊的邪術迷惑多多族。 |
| 3:5 | 萬軍的耶和華講：看啊，我攻擊你；我欲掀你的裙，蓋你的面，互列國看見你的赤體，互列邦看見你的見誚。 |
| 3:6 | 我欲將可惡污穢的物㧒佇你的身上，凌辱你，互人目睭看見。 |
| 3:7 | 對按呢見若看見你者，攏欲逃走離開你，講：尼尼微拋荒啦！有甚麼人為伊悲傷啊？我欲對叨落尋著安慰你的人啊？ |
| 3:8 | 你豈有卡贏羅亞們嗎？伊坐佇諸個河的中間，周圍有水；海做伊的河溝，海做伊的城牆。 |
| 3:9 | 古實及埃及做伊無限量的氣力；弗及路比是幫助你者。 |
| 3:10 | 總是伊受遷徙，互人掠去；伊的嬰仔互人摔死佇街路頭。人為著伊尊貴的人拈鬮；伊的大官員攏互鐵鍊縛。 |
| 3:11 | 你欲飲到醉，亦欲受囥密，閣因為閃避對敵來尋衛所。 |
| 3:12 | 你一切險要的所在欲親像無花果樹有起頭熟的無花果，一下搖伊就磕落佇食的人的嘴。 |
| 3:13 | 看啊，恁中間的百姓是親像婦仁人；你境內的門攏開佇對敵的面前；火燒你的門楗。 |
| 3:14 | 你著汲水備辦受圍困；著堅固你的衛所，著到土窟踏土，修理磚窯。 |
| 3:15 | 佇遐，火欲燒滅你；刀欲刣你，吞滅你親像徛猴。出在你加添多多親像徛猴，加添多多親像草蜢。 |
| 3:16 | 你加添你的生理人，卡多天頂的星；徛猴損害了就飛去。 |
| 3:17 | 你的貴族親像草蜢；你的大官員親像歸陣的草蜢，天氣冷的時就歇佇籬笆，日出就飛去，人呣知伊去叨落。 |
| 3:18 | 亞述王啊，你的牧者啲睏；你的貴族倒啲；你的百姓四散佇山裡，無人招集。 |
| 3:19 | 你的傷𣍐醫得；你受拍真殄。見若聽見你的消息者欲因為你拍手。你所行的歹甚麼人無抵著？ |
- 本章節結束 -
上一章