走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 4:1 | 做主人的，恁著用義及公平款待恁的奴僕，因為知恁也有主佇天裡。 |
|---|---|
| 4:2 | 著常常專務祈禱，祈禱的時著警醒來感謝。 |
| 4:3 | 閣替阮祈禱，求上帝給阮開傳道理的門，通講基督的奧妙（我為著此個也受縳）， |
| 4:4 | 互我闡明伊照我所應該講的。 |
| 4:5 | 向許個外面人恁著佇智慧來行，著保惜機會。 |
| 4:6 | 恁的所講著常常用溫純，親像用鹽調和，就會曉得怎樣來應逐人。 |
| 4:7 | 我攏總的事推基古欲給恁講。伊是所疼的兄弟，佇主做忠信的差用，也同做奴僕的。 |
| 4:8 | 為著按呢我刁持差伊就近恁，互恁知阮的事，也互伊安慰恁的心。 |
| 4:9 | 也差阿尼西謀及伊去；伊就是忠信通疼的兄弟，也是恁遐的人。𪜶欲將此所在的事攏給恁講。 |
| 4:10 | 及我同關監的亞里達古，及巴拿巴的表小弟馬可請安恁。（論馬可，恁已經受著命令；伊若來就近恁，恁著接納伊。） |
| 4:11 | 叫做猶士都的耶數，也請安恁。此幾人是屬割禮的，只有𪜶為著上帝的國及我同著磨，也是互我得著安慰的。 |
| 4:12 | 基督耶穌的奴僕以巴弗，就是恁遐的人，請安恁。伊佇祈禱的中間，常常為著恁出力，互恁徛在完全，滿心信服上帝一切的旨意。 |
| 4:13 | 我干證伊，為著恁及佇老底嘉以及希拉坡里的人有多多勞苦。 |
| 4:14 | 路加就是所疼的醫生及底馬請安恁。 |
| 4:15 | 請安𫢶佇老底嘉諸個兄弟以及寧法，及聚集佇𪜶的家的教會。 |
| 4:16 | 此個批已經讀佇恁中間，著設法互老底嘉人的教會，也讀伊；閣恁著讀對老底嘉來的批。 |
| 4:17 | 閣著給亞基布講：「著謹慎，來盡你佇主所受的職份。」 |
| 4:18 | 我保羅親筆請安恁。恁著數念我掛鐵鍊。願恩典及恁佇啲！ |
- 本章節結束 -
上一章