台語聖經

線上台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

雅各書第2章

章節快速選擇 :

上下篇聖經查閱：希伯來書彼得前書回到目錄

2:1	我的兄弟啊，恁守咱的主耶穌基督榮光的主的信，呣通用外貌取人。
2:2	若有人掛金手指，穿娞衫，入恁的會堂；也有喪鄉人穿破爛的衫平平入；
2:3	恁就看穿娞衫的，給伊講：「你坐此個頂位」；也給喪鄉者講：「你徛彼位」，抑是「坐我的腳踏椅下」。
2:4	這豈呣是心內有增差，用歹念頭來分別嗎？
2:5	我所疼的兄弟，著聽啊，上帝豈呣是揀世間喪鄉的，互𪜶佇信做好額，來承接伊所應允欲互疼伊的人的國嗎？
2:6	若是恁就凌辱喪鄉人。富人豈呣是脅制恁，家己拖恁到審判廳？
2:7	豈呣是謗瀆恁所互人叫尊貴的名嗎？
2:8	照聖經所記載：「著疼厝邊親像家己。」恁若守此個至好的法到盡，才是好。
2:9	獨獨恁若用外貌取人，就犯罪，互律法定做犯法的。
2:10	因為見若全守律法，也對一條跋倒，就是犯著眾條。
2:11	因為講「莫得姦淫」的，也講「莫得刣人」；若恁無姦淫，也有刣人，是做犯著律法的人。
2:12	恁既然欲照互人自由的律法受審判，就著照按呢講照按呢行。
2:13	因為人無憐憫人，當審判也無得著憐憫；憐憫贏過審判來誇口。
2:14	我的兄弟啊，人講有信，也無行，有甚麼利益？此號信會救伊嗎？
2:15	若有兄弟抑是姊妹，無通穿，無通食；
2:16	恁中間有人給𪜶講：「通安然去！願恁穿燒、食飽」；也竟然無用身軀所欠用的互𪜶，有甚麼利益？
2:17	按呢，信若無行就家己是死。
2:18	欲有人講：「你有信，我有行；你無用行著互我看你的信，我就對我的行，互你看我的信。」
2:19	你信上帝只有一個，這是好；許個鬼也信，來愕愕惙。
2:20	謊譀的人啊，無有行的信就是空空，你愛知嗎？
2:21	咱的祖亞伯拉罕獻伊的子以撒佇壇頂，豈呣是對所行來得著稱做義嗎？
2:22	可見信及伊的行平平進行，閣信對行來得著完全。
2:23	就應驗聖經所講：「亞伯拉罕信上帝，就給伊算做義。」伊閣得著稱做上帝的朋友。
2:24	對按呢看，人得著稱做義是對所行，呣是干單對信。
2:25	娼妓喇合接納使者，互𪜶對別條路出，豈呣是猶原對所行來得著稱做義？
2:26	因為親像身軀若無神就是死，信無行也是死。

- 本章節結束 -

聯繫資訊

線上台語聖經

台語聖經

雅各書第2章

快速導航

相關資訊

聯絡麥穗田

聯繫資訊

線上台語聖經

台語聖經

雅各書 第2章

雅各書第2章