走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 4:1 | 恁中間諸個爭戰對叨落來，諸個相爭對叨落來？豈呣是對恁的宴樂，交戰佇恁百體中的來嗎？ |
|---|---|
| 4:2 | 恁貪戀，也無所有；恁刣人、怨妒，也𣍐得著。恁相爭爭戰，恁無所有，因為恁無求。 |
| 4:3 | 恁求也無得著，因為濫糝求，是欲開用伊佇恁的宴樂。 |
| 4:4 | 恁諸個淫婦啊，豈呣知及世間做朋友是及上帝做對敵嗎？所以見若愛做世間的朋友的，就是做上帝的對敵。 |
| 4:5 | 抑是恁拍算聖經是空空講嗎？伊所賞賜咱的神，豈戀慕到佇怨妒嗎？ |
| 4:6 | 若是伊賞賜卡大的恩，所以講：上帝抵敵驕傲者，賞賜恩互謙卑者。 |
| 4:7 | 所以，恁著順服上帝。也著抵敵魔鬼，伊就走閃恁。 |
| 4:8 | 親近上帝，伊就親近恁。恁犯罪者，著洗恁的手！二樣心的人，著清氣恁的心！ |
| 4:9 | 著憂苦、哀傷、啼哭，恁的笑著換做哀傷，恁的歡喜著換做憂悶。 |
| 4:10 | 著家己謙卑佇主的面前，伊就欲高升恁。 |
| 4:11 | 兄弟啊，莫得相誹謗。誹謗兄弟，抑是批評伊的兄弟的，就是誹謗律法，批評律法。你若批評律法，就呣是行律法的，就是做批評的。 |
| 4:12 | 立法的、批評的，只有一個，伊會救也會滅。你是甚麼人，啲批評厝邊啊？ |
| 4:13 | 今，恁啲講：「今仔日抑是明仔日，阮欲去某個城，住佇遐一年久，做生理趁錢。」 |
| 4:14 | 若是明仔日的事，恁猶呣知。恁的活命是怎樣？恁是雲霧暫時出現，後來就無看見。 |
| 4:15 | 恁卡好著按呢講：「主若願，阮就會活，也欲做此項、彼項。」 |
| 4:16 | 今恁用諸個品嗙的事啲誇口；凡若此號的誇口攏是歹。 |
| 4:17 | 所以知有好著行，也呣行的，就是伊的罪。 |
