走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
以斯帖記的故事發生在波斯皇帝宮中 。整個故事以猶太女子以斯帖為中心。由於勇敢和愛同胞的心，以斯帖救了本國人民脫離了仇敵的殺戮。
| 1:1 | 當亞哈隨魯的時，此個亞哈隨魯管轄一百二十七省，對印度到古實。 |
|---|---|
| 1:2 | 當許個日，亞哈隨魯王佇書珊王宮坐伊的國位； |
| 1:3 | 坐位第三年，為著伊一切的首領人臣辦桌，波斯、瑪代有權勢的，各省的貴族及首領，佇伊的面前。 |
| 1:4 | 彼時顯出伊榮光的國的富有及家己好的威嚴的尊貴歷過多多日，就是一百八十日。 |
| 1:5 | 諸個日已經滿，王閣為著踮佇書珊宮大細的百姓辦桌七日久，佇王宮園的院。 |
| 1:6 | 有白、有青、有藍的布簾，用幼苧，及紫色的索縛銀環佇大理石的柱；有金銀的床排佇紅、白、黃、黑大理石所舖的地。 |
| 1:7 | 用金的器具互人飲，器具一個一款。王的酒真多，照王的富足。 |
| 1:8 | 飲酒有定著的例，呣准勉強人，因為王命令宮內一切的臣僕，互人各照伊的意思。 |
| 1:9 | 王后瓦實提佇亞哈隨魯王的宮內也為著婦女辦桌。 |
| 1:10 | 到第七日，王為著酒，心得解，就命令米戶幔、比斯他、哈波拿、比革他、亞拔他、西達、甲迦，就是常常跟隨佇亞哈隨魯王面前彼七個太監， |
| 1:11 | 帶王后瓦實提戴王后的冕旒到王的面前，互許個百姓人臣看伊的娞，因為伊的面貌真好看。 |
| 1:12 | 總是王后瓦實提呣肯來呣趁太監所傳王的命令，所以王真受氣，心內親像火𤏸。 |
| 1:13 | 王就問許個識時事、有智慧的人，因為王有定著的例，欲辦代誌著代先問知律例，明白法度的人。 |
| 1:14 | 彼時佇王的左右常常見王的面、佇國內坐高位者，有波斯及瑪代七個大臣，就是甲示拿、示達、押瑪他、他施斯、米力、瑪西拿、米某干。 |
| 1:15 | 王問𪜶講：「王后瓦實提無遵趁太監所傳亞哈隨魯王的命令，今照例咱著怎樣辦伊啊？」 |
| 1:16 | 米某干佇王及許個大臣的面前應講：「王后瓦實提所做的，呣若關礙王，也是關礙亞哈隨魯王佇逐省所有的大臣及眾百姓； |
| 1:17 | 因為王后所做的事欲傳到眾婦女，欲講：『亞哈隨魯王召王后瓦實提到王的面前，總是伊呣來』，按呢𪜶會藐視𪜶的丈夫。 |
| 1:18 | 今仔日波斯及瑪代的眾婦人聽見王后所做的事，欲對王的大臣按呢講；對按呢欲生起多多藐視及受氣。 |
| 1:19 | 王若掠做好，就出諭旨寫佇波斯及瑪代的律例中，互伊𣍐改換得，呣准瓦實提閣到亞哈隨魯王的面前，王也著將王后的位賞賜比伊卡好的人。 |
| 1:20 | 王所降的諭旨遍傳佇伊的國（伊的國闊大），就婦女攏欲尊敬伊的丈夫，無論尊貴卑賤。」 |
| 1:21 | 王及許個大臣攏掠伊的話做好，王就照米某干的話來行， |
| 1:22 | 出詔佇王許個省，到逐省照𪜶的文字，到逐位的百姓照𪜶的腔口，互做丈夫的逐個佇家內做主，逐個照伊的百姓的腔口。 |
- 本章節結束 -
下一章