走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 8:1 | 當彼日，亞哈隨魯王將猶大人的對敵哈曼的家產賞賜王后以斯帖。末底改也來王的面前，因為以斯帖已經給王講，末底改是伊的甚麼親。 |
|---|---|
| 8:2 | 王剝家己的手指來互末底改，就是對哈曼提倒轉的。以斯帖閣設立末底改來管理哈曼的家產。 |
| 8:3 | 以斯帖閣講佇王的面前，仆佇伊的腳下，流目屎，求伊除亞甲族哈曼的陷害以及伊謀害猶大人的計謀。 |
| 8:4 | 王向以斯帖抬起伊金的枴仔；以斯帖就起來，徛佇王的面前， |
| 8:5 | 講：「王若掠做好，我若得著恩典佇王的目睭前，王掠此個事做著，我若得著歡喜佇王的目睭前，就懇求出詔，取消亞甲族哈米大他的子哈曼所計謀的詔，就是伊所寫欲滅王逐省的猶大人的。 |
| 8:6 | 因為我豈會忍得看見家己的百姓受陷害？豈會忍得看家己的宗族受滅啊？」 |
| 8:7 | 亞哈隨魯王就給王后以斯帖及猶大人末底改講：「因為哈曼謀害猶大人，我已經將伊的家產互以斯帖，人也將哈曼吊佇柴架頂。 |
| 8:8 | 恁也通用王的名照恁的意思寫諭旨互猶大人，用王的手指蓋印；因為見若用王的名來寫的，用王的手指蓋印的詔，無人會取消伊。」 |
| 8:9 | 第三月，就是西彎月二十三日，彼時召王的書記來，照末底改一切所命令的，出詔互猶大人，也到佇人臣及逐省的總督、首領，就是對印度到古實共一百二十七省，到佇逐省照𪜶的文字，到逐族的百姓照𪜶的腔口，到猶大人照𪜶的文字、照𪜶的腔口。 |
| 8:10 | 末底改用亞哈隨魯王的名寫諭旨，用王的手指蓋印，將彼個詔交佇騎馬的走文書者，𪜶騎王的馬徛所生的，國內公事用的好馬，來傳伊。 |
| 8:11 | 佇諭旨的內面，王准佇逐個城的猶大人聚集，起來保護家己的生命，見若逐省的兵及百姓欲攻擊𪜶的，𪜶通剿滅𪜶刣死𪜶互𪜶死無及𪜶的囝仔婦仁人，搶𪜶的貨財做贓物。 |
| 8:12 | 佇亞哈隨魯王的逐省，佇十二月，就是亞達月十三日，彼一日的內面通按呢做。 |
| 8:13 | 抄寫彼個諭旨，頒行逐省，報告逐族，互猶大人備辦聽候彼日，對伊的對敵來報仇。 |
| 8:14 | 許個走文書者奉王的命令真迫切，騎國內公事所用的快馬緊緊起身，此個詔也頒行書珊宮。 |
| 8:15 | 末底改穿藍色白色的朝服，戴大頂的金冕旒，閣穿紫色幼苧布的外服，對王的面前出來；書珊城的百姓攏出歡喜快樂的聲。 |
| 8:16 | 猶大人有榮光，歡喜快樂尊貴。 |
| 8:17 | 王的諭旨所到的逐省逐城，猶大人攏歡喜快樂，設筵席，掠彼日做好日，彼所在的百姓，因為驚猶大人，多多入猶大籍。 |
