走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 3:1 | 諸個代誌以後，亞哈隨魯王舉起亞甲族哈米大他的子哈曼，高升伊，互伊的位卡高佇一切同僚的人臣。 |
|---|---|
| 3:2 | 王的人臣踮佇王的門的攏跪啲拜哈曼，因為王也曾命令著按呢款待伊；獨獨末底改呣跪呣拜。 |
| 3:3 | 彼時王的人臣踮佇王的門的，給末底改講：「你啥事違逆王的命令啊？」 |
| 3:4 | 𪜶日日給伊講，伊也呣聽𪜶，𪜶就給哈曼講，欲看末底改的事徛會住抑𣍐，因為伊有給𪜶講伊是猶大人。 |
| 3:5 | 哈曼看見末底改呣跪呣拜伊，哈曼就滿腹受氣。 |
| 3:6 | 𪜶已經用末底改的本族給哈曼講；哈曼掠做下手害末底改一人是小可事，就計謀欲滅亞哈隨魯通國的猶大人，就是末底改的本族。 |
| 3:7 | 當亞哈隨魯王第十二年正月，就是尼散月，人佇哈曼的面前，將許個日日月月來博普珥，就是抽籤，博著十二月，就是亞達月。 |
| 3:8 | 哈曼對亞哈隨魯王講：「有一族的百姓散開佇你的國逐省的百姓中；𪜶的律例卡各樣佇萬百姓的律例，也無守王的律例，所以若容允𪜶，實在無利益佇王。 |
| 3:9 | 王若掠做好，著出命令來滅𪜶；我就用銀一萬他連得交佇管理此個事的人的手，通收入王的庫房。」 |
| 3:10 | 王就剝伊家己的手指互猶大人的對敵──亞甲族哈米大他的子哈曼。 |
| 3:11 | 王給哈曼講：「此個銀互你，彼個百姓也互你，照你所看做好的處置𪜶。」 |
| 3:12 | 正月十三日，就召王的書記來，照哈曼一切所命令的，行文互王的人臣及逐省的總督，及眾百姓的首領，到逐省照𪜶的文字，到眾百姓照𪜶的腔口，用亞哈隨魯王的名寫伊；閣用王的手指蓋印， |
| 3:13 | 彼個詔是對王的走文書者傳到王的逐省，命令將猶大人，對少年到老、嬰仔、婦仁人，佇一日內，亞達月，就是十二月十三日，剿滅伊，刣死伊，互伊死無，閣搶𪜶的貨財做贓物。 |
| 3:14 | 彼個諭旨的稿，抄寄互逐省，宣佈互眾百姓，互𪜶預備聽候彼日。 |
| 3:15 | 走文書者趁王的命令緊緊起身，此個諭旨佇書珊宮傳出。王及哈曼坐啲飲酒，總是書珊城大紛亂。 |
