台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

傳道書第1章

傳道書記載「傳道者」的思想。他默想人生的短暫和矛盾，以及種種不公平和令人沮喪的事。他的結論是「人生虛空！」他不明白那掌握人類命運之神的道路。雖然如此，他仍然勸勉人辛勤工作，盡量享受神所賜的恩物。其結尾描寫作者思想：「敬畏神，僅守他的誡命，這是人所當盡的本份。」

有聲聖經朗讀者：閻大衛
(整卷朗讀)

章節快速選擇 :

上下篇聖經查閱：箴言雅歌回到目錄

1:1	佇耶路撒冷做王、大衛的子、傳道的話。
1:2	傳道者講：空虛的空虛，空虛的空虛，凡事攏是空虛。
1:3	人一切的著磨，就是伊佇日光的下面所著磨的，有甚麼利益啊？
1:4	一代過去，閣一代來，總是地猶原佇啲。
1:5	日出，日落，緊緊走倒轉伊所出來的所在。
1:6	風吹向南，閣倒轉向北，轉踅無息，也倒轉佇伊轉踅的圈。
1:7	江河攏流落海，總是海也無滿；江河流到叨落，就閣流到遐。
1:8	萬事勞苦到極，人講𣍐盡。目睭看，看𣍐飽；耳孔聽，聽𣍐淀。
1:9	所欲有的是前已經有；所欲做的是前已經做。佇日光的下面無有新的事。
1:10	豈有甚麼事人通指伊講你看此個是新的？佇咱以前的世代，早早已經有啦。
1:11	已經過的世代，無人記得；將來的世代，後來的人也𣍐記得。
1:12	我傳道者曾佇耶路撒冷做以色列王。
1:13	我專心用智慧、研究查考天下所做一切的事，就知上帝所互人著磨的是苦痛的著磨。
1:14	我看見日光的下面所做一切的事，看啊，攏是空虛，攏是掠風。
1:15	彎曲的，𣍐會互伊直；缺陷的，𣍐會算得。
1:16	我的心內想講：看啊，我得著大智慧，贏過我以前一切佇耶路撒冷的人，閣我心歷過多多智識及知識。
1:17	我專心致意愛知智慧，愛知癲狂，及愚戇，就知這也是掠風。
1:18	因為多多智慧，就多多煩惱；加添知識，就加添憂傷。

- 本章節結束 -