走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 8:1 | 是誰親像智慧的人？是誰知事情的開拆？人的智慧互伊的面有光，也互伊剛強的面得著改換。 |
|---|---|
| 8:2 | 我講著守王的命令；因為有指上帝來咒誓。 |
| 8:3 | 呣通趕緊離開伊的面前，呣通久長踮佇歹的事，因為伊凡事攏照家己的心意來行。 |
| 8:4 | 因為王的話有權，是誰會對伊講「你做甚麼」啊？ |
| 8:5 | 守命令的人，𣍐抵著災禍；智慧的人的心會辨明時勢及審判。 |
| 8:6 | 逐項事攏有伊的時及審判，因為人的苦難重重壓佇伊。 |
| 8:7 | 因為伊呣知將來的事，因為後來怎樣，是誰會給伊講啊？ |
| 8:8 | 無人會管伊的活命，將活命留啲；也無人會管死的日；此號的交戰，𣍐免得；罪惡也𣍐救行伊者。 |
| 8:9 | 這一切我攏有看見，也專心查考日光的下面所做一切的事。有時此人管彼人，致到害著伊。 |
| 8:10 | 我看見歹人埋葬，歸佇墓；閣行正直的離開聖的所在，佇城內互人𣍐記得。這也是空虛。 |
| 8:11 | 因為定罪無立刻施行刑罰，所以世間人心大膽行歹。 |
| 8:12 | 罪人雖然做歹一百擺，猶久食長歲壽；若是我準準知，敬畏上帝的，就是佇伊的面前敬畏的人，到尾欲得著福氣。 |
| 8:13 | 總是歹人𣍐得著福氣，也𣍐得著長歲壽；是親像影，因為伊無敬畏佇上帝的面前。 |
| 8:14 | 世上有發現一件空虛的事，就是有義人，伊所抵著的照歹人的行做；閣有歹人，伊所抵著的照義人的行做。我講，這也是空虛。 |
| 8:15 | 我就謳咾快樂的事，因為人佇日光的下面，呣值著來食來飲來快樂；因為伊佇日光的下面，上帝賞賜伊一生的年歲，佇伊所勞碌的，這常常及伊佇啲。 |
| 8:16 | 我專心愛識智慧，也欲看世上所做的事。（有人日暝𣍐睏得目睭無放瞌。） |
| 8:17 | 我就看見上帝一切所做的，知人𣍐會查考日光的下面所做的事；因為人無論怎樣著磨來查考，也𣍐查出，就是智慧的人雖然掠做知，也是𣍐會查出。 |
