走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 9:1 | 我將這一切的事下佇心裡，欲詳細查考，就知義的人及智慧的人，及𪜶的所做攏佇上帝的手；或是疼，或是怨恨，攏佇𪜶的頭前，人呣知。 |
|---|---|
| 9:2 | 凡若臨到眾人的事攏是一樣：義人及歹人攏抵著一樣的事；好人，及清氣的人及無清氣的人，獻祭的人及無獻祭的人，也是一樣。好人按呢，罪人也按呢；咒誓者按呢；驚咒誓者也按呢。 |
| 9:3 | 佇日光的下面所行一切的事有一項歹代，就是眾人所抵著的攏是一樣，閣世間人的心有歹滿滿；活的時心內癲狂，後來就歸佇死人彼位。 |
| 9:4 | 見若屬佇活的人，彼人猶有向望，因為活的狗贏過死的獅。 |
| 9:5 | 活的人知會死；死的人攏呣知，也無得著報賞；𪜶的名人𣍐記得。 |
| 9:6 | 也𪜶的疼，也𪜶的怨恨，也𪜶的妒忌，攏已經消無佇日光的下面所行一切的事，𪜶永遠無份。 |
| 9:7 | 做你去歡喜食你的飯，用快樂的心飲酒，因為上帝已經接納你的所做。 |
| 9:8 | 你的衣服著常常白，你抹頭殼的油也呣通欠缺。 |
| 9:9 | 佇你一生空虛的日子，就是上帝賞賜你佇日光的下面空虛的日子，著及你所疼的婦仁人，快樂過日，因為彼是你生前佇日光的下面勞碌的事所得著的福份。 |
| 9:10 | 見若你的手所應該做的事著盡力去做；因為佇你所欲去的陰間，無做工，無計劃，無知識，也無智慧。 |
| 9:11 | 我閣越轉想：佇日光的下面，𠢕走者無的確會先到；有力者無的確會卡贏；智慧者無的確會得著米糧；明理者無的確會得著好額；奇巧者無的確會得著恩典。𪜶所抵著的攏在佇時期及偶然的。 |
| 9:12 | 因為人的時期伊家己呣知。親像魚不幸互網圍著，鳥互羅網當著，災禍忽然到的時，世間人陷落佇彼內面也是按呢。 |
| 9:13 | 我看見日光的下面有一項智慧，照我看是真大， |
| 9:14 | 就是有一個細細的城，彼中間人少少，有大的君王來攻擊伊，圍困伊，閣起高的土堆來攻擊伊。 |
| 9:15 | 城內有一個喪鄉閣也有智慧的人，伊用智慧救彼個城，總是無人紀念彼個喪鄉人。 |
| 9:16 | 我就講，智慧贏過氣力；總是彼個喪鄉人的智慧互人看輕，伊的話，也無人聽伊。 |
| 9:17 | 智慧的人佇安靜中講話，比戇人的頭目大聲嚷卡有人聽。 |
| 9:18 | 智慧贏過交戰的軍器；總是一個有罪的人會敗壞真多好事。 |
