走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 4:1 | 參巴拉聽見阮起城牆就大受氣，大痛恨，恥笑猶大人， |
|---|---|
| 4:2 | 佇伊的兄弟及撒瑪利亞的軍兵的面前講：「諸個軟弱的猶大啲做甚麼？欲設法互家己堅固嗎？欲獻祭嗎？欲一日成功嗎？欲對土堆中提出過火燒的石頭來閣起嗎？」 |
| 4:3 | 亞捫人多比雅徛佇伊的身邊，講：「𪜶所起的，若有一隻狐狸上去就欲踏倒𪜶的石牆。」 |
| 4:4 | 阮的上帝啊，求你聽，因為阮互人看輕。求你互𪜶的誹謗歸佇𪜶的頭殼，互𪜶佇受掠的地抵著搶劫。 |
| 4:5 | 莫得遮蓋𪜶的罪過，莫得互𪜶的罪惡對你的面前擦消，因為𪜶佇起造的人的面前激動你的受氣。 |
| 4:6 | 按呢，阮起城牆，城牆就攏連絡，高到一半，因為百姓有心啲做工。 |
| 4:7 | 參巴拉、多比雅、阿拉伯人、亞捫人、亞實突人聽見修理耶路撒冷城牆的工啲進行，補塞破隙的所在抵仔啲補塞，就真受氣。 |
| 4:8 | 大家相及計謀欲來攻擊耶路撒冷，互彼內面擾亂。 |
| 4:9 | 總是，阮祈禱咱的上帝，閣因為𪜶的緣故，就派人守望，日暝持防。 |
| 4:10 | 猶大人講：「瓦片坯猶久多，擔壓的人已經無力，所以咱𣍐會起城牆。」 |
| 4:11 | 咱的對敵閣曾講：「趁𪜶呣知無看見，咱入𪜶中間，刣死𪜶，互𪜶的做工攏息。」 |
| 4:12 | 許個倚近對敵徛起的猶大人十擺對逐所在來見阮，講：「恁的確著倒來阮遮。」 |
| 4:13 | 所以我互百姓各照𪜶的宗族、抬刀、標槍、抬弓者徛佇城牆後低的所在空的所在。 |
| 4:14 | 我觀察了，就起來給貴族、官長，及其餘的百姓講：「莫得驚𪜶！著記得主是大閣通驚的。著為著恁的兄弟、恁的子、恁的查某子、恁的某、恁的厝宅來交戰。」 |
| 4:15 | 對敵聽見阮已經知，閣上帝也破壞𪜶的計劃。阮就攏倒轉來到城牆遐，逐人做𪜶的工。 |
| 4:16 | 對彼霎了後，我的奴僕一半做工，一半抬槍、涫盾牌、抬弓、穿盔甲，官長攏徛佇猶大眾人的後面。 |
| 4:17 | 起城牆者，擔壓者，各擔𪜶的擔，一手做工一手抬軍器。 |
| 4:18 | 起造者逐個佩刀照按呢起造，歕哨角者佇我的身邊。 |
| 4:19 | 我給諸個貴族、官長，及其餘的百姓講：「此個工闊大，咱佇城牆頂分開相離不止遠； |
| 4:20 | 恁無論佇叨落聽見哨角的聲，就著聚集來到阮遐。咱的上帝欲替咱交戰。」 |
| 4:21 | 阮按呢做工，𪜶的一半抬槍，對天昲光到星出現的時。 |
| 4:22 | 彼時，我閣給百姓講：「逐人及伊的奴僕著歇暝佇耶路撒冷的內面，通暝時保護阮，日時做工。」 |
| 4:23 | 按呢，我及我的兄弟我的奴僕，及隨我的護衛兵無一個褪衫，出去汲水者也逐個抬家私。 |
