走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 3:1 | 我暝時撐佇我的眠床，尋我的心所疼者；我尋伊，也尋𣍐著。 |
|---|---|
| 3:2 | 今我欲起來四界行佇城內，佇街路，佇寬闊的所在，我欲尋我的心所疼者。我尋伊，也尋𣍐著。 |
| 3:3 | 城內巡查的人抵著我；我問𪜶講：恁有看見我心所疼者抑無？ |
| 3:4 | 我離開𪜶無偌遠就抵著我的心所疼者。我擒伊，呣互伊去，聽候我導伊入我老母的家，就是生我者的房內。 |
| 3:5 | 耶路撒冷的眾查某囝仔啊，我指羚羊以及田野的鹿母切切吩咐你：莫得拍醒伊、莫得攪擾我所疼者，聽候伊家己情願。 |
| 3:6 | 彼個對曠野裡來、形狀親像火熏的柱、用沒藥及乳香以及生理人逐樣的芳粉來互伊芳的是是誰啊？ |
| 3:7 | 看啊，是所羅門的轎；四圍有六十個勇士，攏是對以色列勇士中揀者； |
| 3:8 | 𪜶攏會曉用劍，𠢕交戰，人人佩刀佇腰裡，持防暝時的危險。 |
| 3:9 | 所羅門王用黎巴嫩的柴為家己做一頂金輦。 |
| 3:10 | 伊的柱是用銀做的，伊的底是用金做的；伊的墊是紫色的，其中是用耶路撒冷的眾查某囝仔的愛情舖的。 |
| 3:11 | 錫安的眾查某囝仔啊，恁著出去看所羅門王！伊戴冕旒，就是佇伊合婚的日、伊的心歡喜的日，伊的老母給伊戴的。 |
