走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 8:1 | 苦𣍐得著你做我的兄弟，曾吸我老母的奶的；就我若佇外面抵著你就及你唚嘴，也無人會看輕我。 |
|---|---|
| 8:2 | 我欲引導你，導你入我老母的家；伊欲教示我，我欲互你飲調和的酒及石榴的汁。 |
| 8:3 | 伊的倒手會扶我的頭殼；伊的正手欲抱我。 |
| 8:4 | 耶路撒冷的眾查某囝仔啊，我切切吩咐恁：莫得拍醒伊、莫得攪擾我所疼者，聽候伊家己情願。 |
| 8:5 | 彼個靠佇伊所戀愛的對曠野上來的這是是誰？我佇蘋果樹下叫醒你。你的老母佇遐經過痛苦；佇遐經過痛苦生你。 |
| 8:6 | 求你將我下佇你的心親像印，下佇你的手骨親像印。因為愛情有大力親像死，妒忌殘忍親像陰府；所發出的熱炎親像火焰，是極猛烈的炎火。 |
| 8:7 | 多多水𣍐會滅愛情，大水也𣍐會淹密伊。若有人欲用家內全業換愛情，的確互人藐視。 |
| 8:8 | 阮有一個細漢小妹；猶未長成，人來講親成的日，阮著給阮的小妹怎樣設法？ |
| 8:9 | 伊若是牆，阮欲佇伊的頂面起銀塔；伊若是門，阮欲用柏香柴板圍伊。 |
| 8:10 | 我是牆；我的奶親像樓閣。彼時，我佇伊的目睭中親像得著平安的人。 |
| 8:11 | 所羅門佇巴力哈們有一區葡萄園；伊將此個葡萄園租互顧守的人，𪜶逐人為著𪜶的果子著納一千銀。 |
| 8:12 | 我的葡萄園我家己的是佇我的面前。所羅門啊，彼一千歸互你，二百歸互顧守果子的人。 |
| 8:13 | 你踮佇園中的，同伴攏愛聽你的聲，求你互我也得著聽見。 |
| 8:14 | 我所戀愛者啊，你著緊緊來！親像羚羊抑是鹿仔佇芳草的山。 |
- 本章節結束 -
上一章