台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

雅歌第6章

章節快速選擇 :

上下篇聖經查閱：傳道書以賽亞書回到目錄

6:1	你此個女界中第一娞的啊，你所戀愛者去叨落？你所戀愛者越轉去叨落，互阮通及你去尋伊。
6:2	我所戀愛者落去伊的園，到芳花歸排，佇園內飼羊群閣挽百合花。
6:3	我屬我所戀愛者，我所戀愛者也屬我；伊佇百合花的中間飼羊群。
6:4	我所疼者啊，你娞親像得撒，生做好親像耶路撒冷，威儀親像抬大旗的軍隊。
6:5	你的目睭呣通看我，因為會奪我的心神。你的頭毛親像山羊歸陣倒佇基列的山邊。
6:6	你的嘴齒親像歸陣的羊母，洗清氣上來，逐隻有雙生子，無一隻失落伊的子。
6:7	你的鬢邊佇帕內，親像一塊石榴。
6:8	有六十個王后八十個嬪妃，也有算𣍐了的宮女。
6:9	我的鴿，我的純全者，是獨一的，伊是伊的老母獨生的，是生伊者所特別疼。諸個查某囝仔看見就謳咾伊有福氣；王后嬪妃看見也謳咾伊。
6:10	彼個向外面看出來、親像早起時的光、娞親像月、清潔親像日，威儀親像抬大旗的軍隊的是是誰啊？
6:11	我落去硬殼的果子園，欲看山谷中青翠的植物，欲看葡萄發芛抑未，石榴開花抑未。
6:12	無拍算的時，我的心安置我佇尊貴的人的車。
6:13	倒來啊，倒來啊，書拉密啊；倒來，倒來，互阮看見你。恁為何欲看書拉密，親像看瑪哈念的跳舞啊？

- 本章節結束 -