走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 2:1 | 耶和華按呢講：為著摩押犯罪到三擺亦到四擺，我無欲免伊的刑罰；因為伊將以東王的骨頭燒做灰。 |
|---|---|
| 2:2 | 我欲降火佇摩押，燒滅加略的宮殿。摩押欲佇嘩嘩哮喝喊歕哨角的中間死無。 |
| 2:3 | 我欲對伊的中間剪除審判司，續刣死𪜶一切的首領。這是耶和華講的。 |
| 2:4 | 耶和華按呢講：為著猶大人犯罪到三擺亦到四擺，我無欲免伊的刑罰；因為𪜶棄拺耶和華的教示，無遵守伊的律例。𪜶的列祖所趁的虛假互𪜶行迷路。 |
| 2:5 | 我欲降火佇猶大，燒滅耶路撒冷的宮殿。 |
| 2:6 | 耶和華按呢講：為著以色列人犯罪到三擺亦到四擺，我無欲免伊的刑罰；因為𪜶賣義人來得著銀，賣喪鄉人來得著一雙鞋。 |
| 2:7 | 喪鄉人頭殼頂的塵埃，是𪜶所意愛，枉屈溫柔的人的理路。父子相及親近一個少年的婦仁人，致到褻瀆我的聖名。 |
| 2:8 | 𪜶佇逐個壇邊，倒佇人做準當的衫，閣佇𪜶的上帝的厝內飲受罰的人的酒。 |
| 2:9 | 我對𪜶的面前除滅亞摩利人。許個人高大親像柏香樹，勇親像橡樹。總是我頂面滅伊的果子，下面絕斷伊的根。 |
| 2:10 | 我也帶恁對埃及地上來，佇曠野導恁四十年，互恁得著亞摩利人的地做業。 |
| 2:11 | 我對恁的子兒中間興起先知，閣對恁的少年人的中間興起拿細耳。以色列人啊，豈呣是按呢嗎？這是耶和華講的。 |
| 2:12 | 總是恁互拿細珥飲酒，吩咐先知講：莫得講先知話。 |
| 2:13 | 看啊，佇恁所踮的地，我欲壓你落去，親像裝滿稻捆的車壓重一樣。 |
| 2:14 | 𠢕走者𣍐會逃脫；勇壯者無力尾；勇猛者𣍐會家己救生命。 |
| 2:15 | 抬弓者𣍐會徛在；腳步緊者𣍐會家己救；騎馬者𣍐會家己救命。 |
| 2:16 | 到彼日，勇士中有膽力者，欲褪赤體逃走。這是耶和華講的。 |
