走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 8:1 | 主耶和華互我看見一項：我看見一筐夏天的果子。 |
|---|---|
| 8:2 | 伊講：「阿摩司啊，你看見甚麼？」我講：「看見一筐夏天的果子。」耶和華就對我講：「我的百姓以色列的末期到啦，我的確無閣寬恕𪜶。」 |
| 8:3 | 主耶和華講：「彼日，宮殿的唱歌欲變做啼哭；欲有多多身屍佇逐所在㧒擲，人攏靜靜。」 |
| 8:4 | 恁諸個愛吞食喪鄉人、互此所在的困苦人衰敗者，著聽此個話！ |
| 8:5 | 恁講：月的初一甚麼時過去，互阮通糶五穀；安息日甚麼時過去，互阮通賣麥；用細的伊法，用重的舍客勒，用詭詐的天秤來騙人， |
| 8:6 | 通用銀買喪鄉人，用一雙鞋換窮赤的人，將歹的麥賣互人。 |
| 8:7 | 耶和華指雅各的榮華來咒誓講：𪜶攏總的所做，我永遠無𣍐記得。 |
| 8:8 | 此個地豈無欲因為按呢來搖泏？徛起彼中間者豈無欲悲哀嗎？此個地欲親像大河漲起來，也欲振動退低親像埃及河。 |
| 8:9 | 主耶和華講：到彼日，我欲互日頭佇日中晝就落去，互地佇當頭白日變黑暗。 |
| 8:10 | 我欲互恁的節期變做悲哀，歌曲攏變做哀歌。欲互眾人腰縖麻布，頭殼無半支毛，閣互伊悲哀親像死孤生的子，到尾親像痛苦的日一樣。 |
| 8:11 | 主耶和華講：看啊，日子欲到，我欲互飢荒到佇此所在。飢荒呣是因為無餅，嘴乾呣是為著無水，就是因為無通聽耶和華的話。 |
| 8:12 | 𪜶欲四界去，對此個海到彼個海，對北到東，走來走去，尋求耶和華的話，亦尋無。 |
| 8:13 | 當彼日，娞的在室女及少年查甫人欲因為嘴乾來昏去。 |
| 8:14 | 許個指撒瑪利亞的罪來咒誓，閣指但活的上帝來咒誓；閣指別是巴的活路來咒誓者。𪜶的確跋倒，永𣍐閣起來。 |
