走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 3:1 | 以色列人啊，著聽耶和華所講攻擊恁的話，就是攻擊我所導出埃及地的全家的話： |
|---|---|
| 3:2 | 佇地上萬族中，我只有識恁；所以，我欲辦恁一切的罪過。 |
| 3:3 | 二人若無相約，豈會相及行？ |
| 3:4 | 獅若無咬著物，豈會佇樹林內哮嗎？細隻勇的獅若無所得著，豈會對穴內出聲嗎？ |
| 3:5 | 若無張活罩，鳥仔豈會陷落地上的羅網嗎？羅網若無所得著，豈會對地上翻起來嗎？ |
| 3:6 | 城內若歕哨角，百姓豈無驚惶嗎？災禍若到一個城，豈呣是耶和華所降落的嗎？ |
| 3:7 | 主耶和華若無用伊祕密的意思指示伊的奴僕──諸個先知，就攏無所行。 |
| 3:8 | 獅啲哮，是誰無驚？主耶和華已經講，是誰無講先知的話？ |
| 3:9 | 著佇亞實突的宮殿及埃及地的宮殿報揚講：恁著聚集佇撒瑪利亞諸個山，就看見其中的大擾亂及彼內面暴虐的事。 |
| 3:10 | 因為𪜶𣍐曉得行正直，就是用強暴及搶劫的物、積聚佇𪜶的宮殿內。這是耶和華講的。 |
| 3:11 | 所以主耶和華按呢講：欲有對敵來圍困此個地，互你的勢力衰微，搶你的宮殿。 |
| 3:12 | 耶和華按呢講：「親像牧者對獅的嘴搶出二支腳抑是半塊耳仔，按呢踮撒瑪利亞的以色列人撐佇眠床角抑是舒徛花毯的眠床者，𪜶的得著救亦不過是按呢。」 |
| 3:13 | 主耶和華──萬軍的上帝講：恁著聽此個話，亦著干證佇雅各家。 |
| 3:14 | 我辦以色列罪過的日，也欲辦伯特利的祭壇；壇角欲受剉折，墜落地。 |
| 3:15 | 我欲毀伊冬天的厝、夏天的厝。象牙的厝也欲毀滅；大厝亦攏無去。這是耶和華講的。 |
