走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 6:1 | 佇錫安無掛慮者，佇撒瑪利亞山掠做穩當者，佇萬國中做第一國的首領，就是以色列家所歸倚者，有災禍啊！ |
|---|---|
| 6:2 | 恁著去甲尼來看，對遐去到大城哈馬，閣落去非利士的迦特，𪜶豈有卡贏諸個國嗎？𪜶的境界比恁的境界卡闊嗎？ |
| 6:3 | 恁家己掠做降災禍的日猶久遠，互暴虐的座位近倚。 |
| 6:4 | 恁倒佇象牙的眠床，撐佇坑床，食羊群中的羊仔，及徛內的牛仔； |
| 6:5 | 彈琴彈瑟，唱拉閒的歌曲，為家己做樂器，親像大衛； |
| 6:6 | 用碗飲酒，用上好的油家己抹，總是無為約瑟的敗壞擔憂。 |
| 6:7 | 所以𪜶欲佇受掠的人的中間代先受掠；撐佇坑床的人𪜶的宴樂欲無去。 |
| 6:8 | 萬軍的上帝──耶和華講，主耶和華指家己來咒誓講：我厭賤雅各的榮華，怨恨伊的宮殿；因為，按呢我欲將城及其中所有的攏交付對敵。 |
| 6:9 | 彼時，若剩十人佇一間厝，亦攏欲死。 |
| 6:10 | 死人的皆親，就是燒伊的身屍者，給伊扶起來欲帶伊的屍骸出厝外，就問內房的人講：「你遐猶有人無？」伊應講：「無」；伊就講：「呣通出聲，因為咱呣通講起耶和華的名。」 |
| 6:11 | 看啊，耶和華出命令，拍大間厝互伊碎碎，拍細間厝互伊裂裂開。 |
| 6:12 | 馬豈會跑佇石磐頂嗎？人豈會用牛犁佇遐嗎？恁竟然互公平變做苦膽，互公義的果子變做茵蔯。 |
| 6:13 | 恁歡喜虛假的事，也講：阮豈呣是用家己的氣力取二支角嗎？ |
| 6:14 | 耶和華、萬軍的上帝講：看啊，以色列家，我欲興起一國攻擊恁；𪜶欲苦楚恁，對入哈馬的路到亞拉巴的溪。 |
