台語聖經

線上台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

哥林多前書第11章

章節快速選擇 :

上下篇聖經查閱：羅馬書哥林多後書回到目錄

11:1	恁著學我，親像我學基督。
11:2	我謳咾恁，因為恁凡代誌紀念我，閣執守諸個遺傳，照我所傳互恁的。
11:3	總是我愛恁知基督是做查甫人的頭；查甫人做婦仁人的頭；上帝做基督的頭。
11:4	見若查甫人祈禱抑是傳道，若罩頭殼，就凌辱伊的頭。
11:5	若是見若婦仁人祈禱抑是傳道，無罩頭殼，就凌辱伊的頭，因為這及剃頭毛無各樣。
11:6	婦仁人若無罩頭殼，就著剪頭毛；婦仁人剪頭毛抑剃頭毛若是見誚，就卡好著罩頭。
11:7	查甫人呣應該罩頭，因為伊是上帝的像及榮光；若是婦仁人就是查甫人的榮光。
11:8	因為查甫人呣是對婦仁人出，獨獨婦仁人是對查甫人出；
11:9	因為查甫人呣是為著婦仁人才創造，是婦仁人為著查甫人來創造。
11:10	所以，婦仁人著有降服權柄的記號佇伊的頭殼，為著使者的緣故。
11:11	總是佇主若無查甫人，就呣成婦仁人，無婦仁人，就呣成查甫人。
11:12	因為親像婦仁人對查甫人出，查甫人也是對婦仁人才有；獨獨萬項是對上帝出。
11:13	恁心內家己省察，婦仁人無罩頭殼來祈禱上帝，是合適嗎？
11:14	對本性豈呣知，查甫人有長的頭毛，是做見誚嗎？
11:15	若是婦仁人有長的頭毛，是做伊的榮光，因為伊的頭毛是賞賜伊做帕。
11:16	設使有想愛欲辯駁的，阮無此號例，上帝諸個教會也無。
11:17	今我將此個吩咐恁，呣是謳咾恁；就是恁聚集無致到利益，是致到損害。
11:18	頭一項，我聽見恁聚集做會的時，恁中間有分黨，我也大略信。
11:19	因為恁中間𣍐免得有黨派，欲互真實的人顯明佇恁中間。
11:20	按呢恁聚集佇一所在，呣是食主的晚餐；
11:21	因為食的時，逐人做伊代先食伊的下昏頓，有人枵，有人醉。
11:22	恁豈無厝通飲食嗎？抑是恁看輕上帝的教會，也互無的見誚啊？我欲對恁怎樣講？佇此個我欲謳咾恁嗎？我無謳咾！
11:23	因為我對主受，也曾傳互恁的，就是主耶穌互人賣彼暝，有提餅，
11:24	祝謝，來擘伊，講：「此個是我的身軀，為著恁拍破的，恁著行按呢來紀念我。」
11:25	食了後，也按呢捧杯，講：「此個杯就是新約，佇我的血設立的，見若飲的時，著行按呢來紀念我。」
11:26	因為恁逐擺食此個餅，飲此個杯，是表明主的死，直到伊閣來。
11:27	按呢，凡若食主的餅，抑是飲主的杯無合宜的，是辜負主的身軀及血。
11:28	若是人著家己省察，才通食此個餅、飲此個杯。
11:29	人無分別主的身軀，來飲食，就是對飲食家己取審判。
11:30	所以恁中間衰膦的、破病的多多，死的也無少。
11:31	咱若家己審問，就無受審判。
11:32	總是咱受審判，是互主所警戒，免得及世間人同受定罪。
11:33	我的兄弟啊，所以恁聚集欲食的時，著相聽候。
11:34	若有人枵，著𫢶徛𪜶厝食，免得聚集，致到受審判。其餘的，等我來才欲設法。

- 本章節結束 -

聯繫資訊

線上台語聖經

台語聖經

哥林多前書第11章

快速導航

相關資訊

聯絡麥穗田

聯繫資訊

線上台語聖經

台語聖經

哥林多前書 第11章

哥林多前書第11章