走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 5:1 | 確實聽見恁中間有淫亂。也彼號淫亂外邦中所無的，就是有人有伊的老父的某。 |
|---|---|
| 5:2 | 恁猶啲自高，也竟然無哀傷，將行此號代誌的人對恁中間除去。 |
| 5:3 | 我身軀相離開，心神及恁相近，親像親身佇啲，已經有擬定行此號事的人。 |
| 5:4 | 託咱的主耶穌的名，恁諸個已經聚集，我的神也佇啲，閣有咱的主耶穌的權能， |
| 5:5 | 將彼號人交互撒但，致到敗壞伊的肉體，欲互伊的神佇咱的主耶穌的日得救。 |
| 5:6 | 恁的誇口呣是好。豈呣知淡薄酵會發歸甑嗎？ |
| 5:7 | 舊的酵著除到清，互恁成做新的甑，親像恁是無酵的；因為咱𨃟過節的羊羔也已經刣，就是基督。 |
| 5:8 | 所以，咱著守節，無用舊的酵，也無用歹心、惡毒的酵，是用純全真實的無酵餅。 |
| 5:9 | 前我寫彼張批互恁，教恁呣通及淫亂的人參插。 |
| 5:10 | 呣是泛泛指此世間淫亂的，抑是貪心的，及勒索的，抑是拜偶像的；若欲按呢，著離開世間才會。 |
| 5:11 | 總是今我寫批互恁是講，若有人稱做兄弟也有淫亂，抑是貪心，抑是拜偶像，抑是詈罵，抑是好酒，抑是勒索的，莫得及伊參插，此號人連及伊食也呣通。 |
| 5:12 | 因為判斷外面人及我有甚麼干涉？ |
| 5:13 | 內面的人豈呣是恁判斷的？也外面的人上帝判斷伊啊！彼個歹人著對恁中間除去。 |
