走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 6:1 | 恁中間有人及人冤家，豈敢告佇不義的人的面前，也無佇聖徒的面前嗎？ |
|---|---|
| 6:2 | 抑是恁呣知聖徒欲審判世間？世間尚且互恁審判，也𣍐堪得審判極小可的事嗎？ |
| 6:3 | 豈呣知咱欲審判天使？何況今世的事嗎？ |
| 6:4 | 今恁若有今世的事著審判，恁豈是用教會中無名字的審判嗎？ |
| 6:5 | 我講按呢是欲互恁見誚。豈是恁中間無一個智識的人會判斷佇伊的兄弟中？ |
| 6:6 | 竟然兄弟告兄弟，續告佇呣信的人的面前。 |
| 6:7 | 今恁有相告的事，已經攏是恁的大失錯。啥事呣寧可受冤枉？啥事呣寧可受剋虧啊？ |
| 6:8 | 若是恁竟然冤枉人、剋虧人，況兼諸個是兄弟。 |
| 6:9 | 豈呣知不義的人𣍐會承接上帝的國嗎？莫得錯誤！淫亂的、拜偶像的、行姦淫的、做孌童的、好男色的、 |
| 6:10 | 做賊的、貪心的、好酒的、詈罵人的、勒索人的，攏𣍐得著承接上帝的國。 |
| 6:11 | 恁中間有人早是按呢；若是佇主耶穌基督的名，及咱的上帝的神，已經洗清，已經得著成聖，已經稱做義。 |
| 6:12 | 凡事我攏通，若是無一盡有利益。凡事我攏通，若是無一項，我欲互伊管。 |
| 6:13 | 食是為著腹肚，腹肚也是為著食；總是此二項上帝欲廢伊。獨獨身軀呣是為著淫亂，是為著主；主也是為著身軀。 |
| 6:14 | 上帝曾互主復活，也欲對伊的權能互咱復活。 |
| 6:15 | 豈呣知恁的身軀是基督的百體？我豈通將基督的百體互伊做娼妓的百體嗎？斷斷呣通！ |
| 6:16 | 抑是恁呣知及娼妓聯合的，是及伊做一體？因為講：「二個欲成做一體。」 |
| 6:17 | 獨獨及主聯合的，是一個神。 |
| 6:18 | 著閃避淫行。人所犯，逐項的罪，攏是身軀外的，若是行姦淫的，是犯罪到佇家己的身軀。 |
| 6:19 | 抑是恁呣知恁的身軀就是聖神的殿？聖神𫢶佇恁，就是恁對上帝所有的；閣恁呣是家己的， |
| 6:20 | 因為是用價錢買的。所以，著佇恁的身軀榮光上帝。 |
