走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 7:1 | 論到恁所寫的事，我講查甫人無親近婦仁人是好。 |
|---|---|
| 7:2 | 總是為著淫亂的緣故，逐人著有家己的某；婦仁人也逐個著有家己的丈夫。 |
| 7:3 | 丈夫對婦仁人著照所合宜的款待伊；婦仁人對丈夫也著按呢。 |
| 7:4 | 婦仁人無權通主意家己的身軀，是丈夫主意；丈夫也無權通主意家己的身軀，是婦仁人主意。 |
| 7:5 | 莫得相虧負，獨獨若大家同心，就暫時相離，通專務祈禱；後來猶原相及住，免得撒但乘恁的情慾𣍐禁得，來試恁。 |
| 7:6 | 我講按呢，是允准呣是命令。 |
| 7:7 | 我愛人攏親像我；獨獨逐人對上帝為家己的恩賜，有的此款，有的彼款。 |
| 7:8 | 我對未嫁娶的及守寡人講，𪜶若長長親像我是好。 |
| 7:9 | 設使家己𣍐禁得，就著嫁娶。因為嫁娶是卡好佇慾火the徛𤏸。 |
| 7:10 | 我命令，已經嫁娶的；其實呣是我，是主命令：婦仁人莫得離開丈夫， |
| 7:11 | 若是已經離開，就著長長無嫁，或是及丈夫復和。丈夫也呣通放拺婦仁人。 |
| 7:12 | 對其餘的我講（呣是主講）：若兄弟有婦仁人無信主，也婦仁人歡喜相及住，就莫得放拺伊。 |
| 7:13 | 婦仁人有丈夫無信主，丈夫歡喜相及住，也莫得放拺伊的丈夫。 |
| 7:14 | 因為無信主的丈夫對婦仁人得著聖，無信主的婦仁人對丈夫得著聖。若呣是按呢，恁的子兒無清氣，總是今𪜶是聖。 |
| 7:15 | 呣信的若離開，就據在伊離開！兄弟，姊妹，佇諸個事無受拘束。獨獨上帝召咱是愛得和平。 |
| 7:16 | 婦仁人啊，你豈可知會救丈夫抑𣍐？丈夫啊，你豈可知會救婦仁人抑𣍐？ |
| 7:17 | 獨獨照主所賞賜逐人的，照上帝所召逐人的著按呢行，佇逐個教會我所吩咐也是按呢。 |
| 7:18 | 有人已經受割禮來得著召嗎？就莫得廢無割禮；有人未受割禮來得著召嗎？就莫得受割禮。 |
| 7:19 | 受割禮𣍐算得數，無受割禮也𣍐算得數，獨獨是守上帝的誡若定。 |
| 7:20 | 逐人佇甚麼等第受召，著猶原𫢶佇彼個等第。 |
| 7:21 | 你做奴才來受召嗎？呣通因為按呢來掛慮；總是若會得自由，是卡好。 |
| 7:22 | 因為做奴才佇主得著召的，是互主所解放；按呢做自由來得著召的，是做基督的奴僕。 |
| 7:23 | 恁是用價錢所買的，呣通成做人的奴才。 |
| 7:24 | 兄弟啊，逐人佇甚麼地步受召，伊著佇上帝的面前長長住佇彼個地步。 |
| 7:25 | 論到未嫁娶的，我無有主的命令，總是我已經得著主的憐憫來做盡忠，就將家己的意見給恁講。 |
| 7:26 | 因為看現今的艱難，照我拍算，人若照伊平常的款是好。 |
| 7:27 | 你有婦仁人嗎？莫得求解放；你無婦仁人嗎？莫得求欲娶。 |
| 7:28 | 總是你若娶，呣是犯罪；在室女若嫁，也呣是犯罪。總是𪜶彼號人欲佇肉體抵著患難，我是啲顧恁。 |
| 7:29 | 兄弟啊，我閣講：時日促短啦。所以對今以後，有某的，著親像無某； |
| 7:30 | 啼哭的，親像無啼哭；歡喜的，親像無歡喜；買的，親像無所得著； |
| 7:31 | 用世間的物的，親像無濫糝用，因為此世間的款啲過去啦。 |
| 7:32 | 我愛得恁無所掛慮。無某的，掛慮主的事，怎樣會互主歡喜。 |
| 7:33 | 若是有某的，掛慮世間的事，怎樣會互某歡喜。 |
| 7:34 | 婦仁人及在室女也有分別。無丈夫的，掛慮主的事，欲互伊的身軀及神魂攏聖；若是有丈夫的，掛慮世間的事，怎樣會互丈夫歡喜。 |
| 7:35 | 我講諸個是為著恁家己的利益，呣是欲籠絡恁，就是欲互恁行合適的事，勤勤服事主，無所攪擾。 |
| 7:36 | 若是有人拍算款待伊的查某子有呣合適，設使年歲過時，也事情不得已著按呢，就通照意思去行，伊無犯罪，著互𪜶合婚。 |
| 7:37 | 若有人堅心，無有不得已的事，閣有權通行家己的意思，也伊家己的心已經決定欲留伊的查某子，按呢行是好。 |
| 7:38 | 親像按呢，互家己的查某子出嫁的是好，無互伊出嫁的閣卡好。 |
| 7:39 | 丈夫佇啲的時，婦仁人受把縛；丈夫若死，婦仁人得著自由，嫁伊所愛的，獨獨著嫁屬主的才通。 |
| 7:40 | 總是照我拍算，無嫁卡有福氣。閣我想我也有上帝的神。 |
