走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
列王紀下卷繼續記述以色列南北兩王國的歷史。以色列和猶大遭受嚴重的國難是因為兩 國 君王及人民都對 神不忠。耶路撒冷被毀及猶大人民被放逐實為以色列史上最重要的轉捩點。本書中最突出的先知是以利亞的繼承人以利沙。
| 1:1 | 亞哈死了，摩押背叛以色列。 |
|---|---|
| 1:2 | 亞哈謝對撒瑪利亞的樓頂的欄杆跋落來，致病；就差使者給𪜶講：「恁去問以革倫的上帝巴力西卜，我此個病會好抑𣍐。」 |
| 1:3 | 總是耶和華的使者給提斯比人以利亞講：「你起來，上去接撒瑪利亞王的使者，給𪜶講：『恁去問以革倫的上帝巴力西卜，是因為以色列中無上帝嗎？』 |
| 1:4 | 所以耶和華按呢講：『你𣍐會閣落去你所上去的眠床，的確會死！』」以利亞就去。 |
| 1:5 | 使者倒來見王，王問𪜶講：「恁為甚麼倒來？」 |
| 1:6 | 使者應伊講：「有一人抵著阮，給阮講：『去啊，恁倒去見差恁的王，給伊講：耶和華按呢講，你差人去問以革倫的上帝巴力西卜，是因為以色列中無上帝嗎？所以你𣍐閣落去你所上去的眠床，的確會死！』」 |
| 1:7 | 王問𪜶講：「上來抵著恁，給恁講諸個話的，伊的形狀啥款？」 |
| 1:8 | 應講：「伊穿有毛的衫，腰縖皮帶。」王講：「這是提斯比人以利亞。」 |
| 1:9 | 王就差五十夫長導伊彼五十人去以利亞遐，伊上去伊遐；看啊，以利亞坐佇山頂。五十夫長給伊講：「上帝的奴僕啊，王講，你著落來！」 |
| 1:10 | 以利亞應五十夫長講：「我若是上帝的奴僕，願火對天落來，燒你及你彼五十人！」就有火對天落來燒伊及伊彼五十人。 |
| 1:11 | 王閣差一個五十夫長，導伊彼五十人去以利亞遐。伊就給伊講：「上帝的奴僕啊，王講，你緊緊落來！」 |
| 1:12 | 以利亞應𪜶講：「我若是上帝的奴僕，願火對天落來，燒你及你彼五十人！」就有上帝的火對天落來，燒伊及伊彼五十人。 |
| 1:13 | 王閣差第三隊的五十夫長，導伊彼五十人。彼個第三隊的五十夫長上去，跪佇以利亞的面前，懇求伊講：「上帝的奴僕啊，求你掠我的生命及你此五十個奴僕的生命做寶貝！ |
| 1:14 | 看啊，已經有火對天落來燒死以前二個五十夫長及伊逐個五十人；今求你看我的生命做寶貝！」。 |
| 1:15 | 耶和華的使者給以利亞講：「你及伊落去，呣免驚伊！」以利亞就起來，及伊落去見王， |
| 1:16 | 給伊講：「耶和華按呢講：『你差人去問以革倫的上帝巴力西卜，是因為以色列中無上帝互你問伊的話嗎？所以你𣍐閣落來你所上去的眠床，的確著死！』」 |
| 1:17 | 王就死，照以利亞所傳耶和華的話。王無子，耶和南續接位，佇猶大王約沙法的子耶和南第二年。 |
| 1:18 | 亞哈謝其餘的事豈無記佇以色列諸個王的記錄嗎？ |
- 本章節結束 -
下一章