走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 17:1 | 猶大王亞哈斯十二年，以拉的子何細亞佇撒瑪利亞坐位做以色列王共九年。 |
|---|---|
| 17:2 | 伊行耶和華所看做歹的事，總是無親像伊以前的以色列諸個王。 |
| 17:3 | 亞述王撒縵以色上來攻擊伊，何細亞就降服伊，進貢伊。 |
| 17:4 | 亞述王知何細亞有計謀背叛，因為伊曾差使者去見埃及王梭，閣無進貢亞述王，親像以前年年的所做。所以亞述王關禁伊，縛伊佇監裡。 |
| 17:5 | 亞述王上來遍行彼個地，閣上來圍攻撒瑪利亞三年久。 |
| 17:6 | 何細亞第九年亞述王取撒瑪利亞，掠以色列人到亞述，安置𪜶佇哈臘及哈博佇歌散河邊的，及瑪代人許個城。 |
| 17:7 | 這是因為以色列人得罪耶和華──𪜶的上帝，就是導𪜶出埃及地、脫離埃及王法老的手的，𪜶去敬畏別個上帝， |
| 17:8 | 趁耶和華佇以色列的頭前所趕出的外邦人及以色列列王所設的規例。 |
| 17:9 | 以色列人暗靜行不義的事，得罪耶和華──𪜶的上帝，佇𪜶許個城，對守更樓到堅固的城，起山頭壇； |
| 17:10 | 佇逐個高山的頂面、逐欉青翠的樹腳，徛柱像及許個亞舍拉； |
| 17:11 | 閣佇遐燒香佇逐個山頭壇，親像耶和華佇𪜶的頭前所趕出的外邦人的所行，閣行許個歹代來激耶和華的受氣； |
| 17:12 | 閣服事偶像，就是耶和華所吩咐𪜶講呣通按呢做的。 |
| 17:13 | 總是耶和華託眾先知及先見者，對以色列及猶大做干證講：「著離開恁的歹所行，執守我的誡命律例，照我吩咐恁的列祖，及託我的奴僕眾先知所傳互恁完全的律法。」 |
| 17:14 | 總是𪜶呣聽，硬𪜶的頷頸，親像𪜶的列祖硬𪜶的頷頸，呣信服耶和華──𪜶的上帝的。 |
| 17:15 | 𪜶也棄拺伊的律例以及伊及𪜶的列祖所立的約，及對𪜶所干證的干證，趁虛假，來家己做虛假，學周圍的外邦人，許個人就是耶和華曾命令𪜶呣通學𪜶的所行的； |
| 17:16 | 𪜶離開耶和華──𪜶的上帝一切的誡命，為本身鑄像就是二隻牛仔，做亞舍拉，敬拜天頂的萬象，服事巴力， |
| 17:17 | 閣互𪜶的子查某子經過火，也用占卜，邪術賣家己，行耶和華所看做歹的事，激伊的受氣。 |
| 17:18 | 所以耶和華大受氣以色列人，趕𪜶離開伊的面前，獨獨剩猶大一支派若定。 |
| 17:19 | 猶大也無趁耶和華──𪜶的上帝的誡命，就是趁以色列所立的規例。 |
| 17:20 | 耶和華棄拺以色列的眾後裔，苦楚𪜶，將𪜶交佇搶掠𪜶的人的手，到尾趕出𪜶離開伊的面前， |
| 17:21 | 因為拆以色列離開大衛的家；𪜶就設立尼八的子耶羅波安做王。耶羅波安迫以色列互𪜶無趁耶和華，互𪜶奸犯大罪。 |
| 17:22 | 以色列人行耶羅波安所犯一切的罪，無離開伊， |
| 17:23 | 致到耶和華遷徙以色列離開伊的面前，照伊託伊的奴僕眾先知所講的。按呢，以色列受掠離開本地到亞述，到今仔日。 |
| 17:24 | 亞述王對巴比倫、古他、亞瓦、哈馬，及西法瓦音移徙人來撒瑪利亞，安置𪜶佇許個城，替以色列人；𪜶就得著撒瑪利亞，來徛起許個城。 |
| 17:25 | 𪜶起頭徛起佇遐的時，無敬畏耶和華，所以耶和華互獅入𪜶中間，咬死幾若人。 |
| 17:26 | 有人報亞述王講：「你所移徙安置佇撒瑪利亞許個城的列邦人，呣知彼所在的上帝的規例，所以伊互獅入來𪜶中間，咬死𪜶。」因為𪜶呣知彼所在的上帝的規例。」 |
| 17:27 | 亞述王就命令講：「對遐掠來的祭司通互𪜶一個倒去，互伊住遐徛起，用彼所在的上帝的規例教示𪜶。」 |
| 17:28 | 對按呢許個對撒瑪利亞所掠去的祭司一個倒來，徛起佇伯特利，教示𪜶著怎樣敬畏耶和華。 |
| 17:29 | 總是，逐邦國的人造𪜶家己的上帝，逐國的人佇𪜶所徛起許個城安置伊的像佇撒瑪利亞人前所造的山頭廟。 |
| 17:30 | 巴比倫人造疏割比訥；古他人造匿甲；哈馬人造亞示瑪； |
| 17:31 | 亞瓦人造匿哈及他珥他；西法瓦音人用火燒子兒，獻互西法瓦音的上帝亞得米勒及亞拿米勒。 |
| 17:32 | 𪜶按呢敬畏耶和華，對眾人中設立人做山頭壇的祭司，替𪜶獻祭佇山頭廟。 |
| 17:33 | 𪜶敬畏耶和華，閣服事家己的上帝，對甚麼國徙來，就趁彼國的規例。 |
| 17:34 | 𪜶到今仔日猶久照前的風俗去行，無敬畏耶和華，無遵趁𪜶的律例、及𪜶的規例，也無照耶和華命令雅各後裔的律法誡命。（雅各，就是伊所稱做以色列的。） |
| 17:35 | 耶和華曾及𪜶立約，吩咐𪜶講：「呣通敬畏別個上帝，呣通跪拜，呣通服事伊，呣通祭獻伊。 |
| 17:36 | 獨獨彼個用大權能及伸出的手骨導恁出埃及地的耶和華，恁著敬畏伊，跪拜伊，祭獻伊。 |
| 17:37 | 伊寫互恁的律例、禮儀、律法、誡命，恁應該永遠執守遵趁，呣通敬畏別個上帝。 |
| 17:38 | 我及恁所立的約恁呣通𣍐記得，也呣通敬畏別個上帝。 |
| 17:39 | 獨獨著敬畏耶和華──恁的上帝。伊欲救恁脫離恁一切對敵的手。」 |
| 17:40 | 總是𪜶呣聽趁，猶原照前的風俗去行。 |
| 17:41 | 按呢諸個列國也敬畏耶和華，也服事𪜶的偶像。𪜶的子𪜶的孫也攏是按呢，𪜶的祖公所行的，到今仔日𪜶也行伊。 |
