走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 14:1 | 以色列王約哈斯的子約阿施第二年，猶大王約阿施的子亞瑪謝坐位。 |
|---|---|
| 14:2 | 伊坐位的時二十五歲，佇耶路撒冷做王共二十九年。伊的老母名叫約耶但，是耶路撒冷人。 |
| 14:3 | 亞瑪謝行耶和華看做好的事，總是無親像伊的祖大衛，就是照伊的老父約阿施一切所行的去行； |
| 14:4 | 總是山頭壇猶未廢無，百姓猶原獻祭燒香佇山頭壇。 |
| 14:5 | 前許個人臣刣死伊的老父猶大王，今國權一下堅固，就給𪜶刣死， |
| 14:6 | 總是無刣死𪜶的子，照摩西律法的冊所記載，耶和華命令講：「呣通因為子來刣死老父，也呣通因為老父來刣死子，逐人著因為本身的罪來死。」 |
| 14:7 | 亞瑪謝佇鹽的山谷刣死以東人一萬，閣攻取西拉，改名叫約帖，到今仔日。 |
| 14:8 | 彼時，亞瑪謝差使者去見耶戶的孫約哈斯的子以色列王約阿施，講：「來啊，咱二人相見面佇戰場。」 |
| 14:9 | 以色列王約阿施差使者去見猶大王亞瑪謝講：「黎巴嫩的草茦差使者去見黎巴嫩的柏香樹，講：用你的查某子互我的子做某。後來黎巴嫩有一隻野獸經過，睭踏彼個草茦。 |
| 14:10 | 你已經拍贏以東心就驕傲，你掠此個做榮光，佇家內安然徛起就好，啥事起事惹災禍，互本身及猶大國相及倒壞啊？」 |
| 14:11 | 總是亞瑪謝呣肯聽。對按呢以色列王約阿施上來，佇猶大的伯示麥及猶大王亞瑪謝相見面佇戰場。 |
| 14:12 | 猶大刣輸佇以色列的面前，逐人走倒去𪜶的布棚。 |
| 14:13 | 以色列王約阿施佇伯示麥掠著亞哈謝的孫、約阿施的子猶大王亞瑪謝，就來到耶路撒冷，拆毀耶路撒冷的城牆，對以法蓮門到角門共四百肘， |
| 14:14 | 閣將耶和華殿內及王宮府庫所有的金銀及器具攏提去，閣帶人去做準當，就倒去撒瑪利亞。 |
| 14:15 | 約阿施其餘的事見伊所行的及伊的能力，以及及猶大王亞瑪謝交戰的事，豈無攏記佇以色列諸個王的記錄嗎？ |
| 14:16 | 約阿施及伊的列祖同睏，及以色列諸個王相及葬佇撒瑪利亞，伊的子耶羅波安續接伊做王。 |
| 14:17 | 以色列王約哈斯的子約阿施死了，猶大王約阿施的子亞瑪謝猶活十五年。 |
| 14:18 | 亞瑪謝其餘的事豈無攏記佇猶大列王的記錄嗎？ |
| 14:19 | 佇耶路撒冷有人結黨欲害亞瑪謝，伊就走到拉吉；𪜶差人趇伊到拉吉，刣死伊佇遐。 |
| 14:20 | 人就用馬載伊到耶路撒冷，及伊的列祖葬佇大衛的城。 |
| 14:21 | 猶大眾百姓設立亞撒利雅續接伊的老父亞瑪謝做王，彼時伊十六歲。 |
| 14:22 | 亞瑪謝王及伊的列祖同睏了後，亞撒利雅起以拉他，互伊猶原歸猶大國管轄。 |
| 14:23 | 猶大王約阿施的子亞瑪謝十五年，以色列王約阿施的子耶羅波安佇撒瑪利亞坐位，共做王四十一年。 |
| 14:24 | 伊行耶和華看做歹的事，無離開尼八的子耶羅波安互以色列犯罪的。 |
| 14:25 | 伊恢復以色列交界的地，對哈馬口到亞拉巴海，照耶和華──以色列的上帝託伊的奴僕迦特希弗人亞米太的子先知約拿所講的話。 |
| 14:26 | 因為耶和華看見以色列人真艱苦，無論受拘束的、自由的攏無啦，也無人幫助以色列。 |
| 14:27 | 耶和華未曾講欲擦消以色列的名佇天下，就託約阿施的子耶羅波安的手來救𪜶。 |
| 14:28 | 耶羅波安其餘的事，見伊所行的及伊的能力，伊怎樣交戰，怎樣復倒大馬色及哈馬就是前屬猶大的互𪜶閣歸以色列，豈無攏記佇以色列諸個王的記錄嗎？ |
| 14:29 | 耶羅波安及伊的列祖以色列諸個王同睏。伊的子撒迦利雅續接伊做王。 |
