走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 5:1 | 亞蘭王的軍長乃縵佇伊的主人的面前做大做尊貴，因為耶和華曾用伊互亞蘭得勝；伊也是大權能的勇士，總是癩𰣻。 |
|---|---|
| 5:2 | 前亞蘭人歸陣出去，對以色列地掠一個查某囝仔，伊就伺候乃縵的某。 |
| 5:3 | 伊給伊的主母講：「苦𣍐得著我的主及撒瑪利亞的先知相及佇啲，伊的確會醫好伊的癩𰣻 |
| 5:4 | 有人入去給伊的主講，屬以色列地的查某囝仔按呢按呢講。 |
| 5:5 | 亞蘭王講：「你去啊，我也欲寄一張批互以色列王。」乃縵就去，帶銀十他連得，金六千，衣裳十套； |
| 5:6 | 帶批到以色列王遐，批內講：「批到你遐的時，看啊，我差人臣乃縵去見你，你著醫好伊的癩𰣻。」 |
| 5:7 | 以色列王看批了，就拆裂伊的衫，講：「我豈是上帝，互人死，互人活嗎？此人竟然差人來我遮，教我醫好伊的癩𰣻。請恁斟酌想，看此人怎樣尋縫攻擊我？」 |
| 5:8 | 上帝的奴僕以利沙聽見以色列王拆裂伊的衫，就差人去見王，講：「你啥事拆裂衫啊？通互彼人到我遮，伊才知以色列中有先知。」 |
| 5:9 | 乃縵就及伊的馬伊的車來徛佇以利沙的厝門口。 |
| 5:10 | 以利沙差一個使者，給乃縵講：「你去約但河洗身軀七擺，你的肉就復原，你欲得著清氣。」 |
| 5:11 | 乃縵就受氣退去，講：「我本拍算伊的確欲出來見我，徛啲求叫耶和華──伊的上帝的名，搖手佇患著的所在，來醫好癩𰣻的。 |
| 5:12 | 大馬色的河亞罷拿及法珥法豈無比以色列一切的水卡好嗎？我佇遐洗身軀𣍐得著清氣嗎？」就越轉身受氣做伊去。 |
| 5:13 | 伊的奴僕進前，給伊講：「我的父啊，先知若教你去做一件大事，你豈無欲做嗎？何況伊干單給你講洗就清氣啊？」 |
| 5:14 | 乃縵就落去，照上帝奴僕的話，佇約但河洗七擺；伊的肉復原，親像囝仔肉，伊就清氣。 |
| 5:15 | 伊及一切隨伊的人，倒轉來上帝的奴僕遐，徛佇伊的面前講：「看啊，我今知，除以色列以外，普天下無有上帝。今求你收你的奴僕的禮物。」 |
| 5:16 | 伊講：「我指永活的耶和華就是我徛佇伊的面前的來咒誓，我的確呣收。」伊強迫伊收，伊決斷呣。 |
| 5:17 | 乃縵講：「若呣，求你將二隻騾所會載的土互你的奴僕。因為對今以後，你的奴僕無閣用燒祭抑是別號的祭互別個上帝，只有獻互耶和華。 |
| 5:18 | 獨獨有一項事，願耶和華赦免你的奴僕：就是我的主入臨門的廟佇遐敬拜，倚著我的手的時，閣我佇臨門的廟俯腰，就是我佇臨門的廟俯腰的時，願耶和華佇這此件事赦免你的奴僕。」 |
| 5:19 | 伊就給伊講：「你通平安去！」伊就離開伊去；行一站仔， |
| 5:20 | 上帝的奴僕以利沙的差用基哈西心內講：「我的主人體貼此個亞蘭人乃縵，無欲對伊的手收伊所帶來的，我指永活的耶和華來講，我欲走去趇伊，對伊提淡薄。」 |
| 5:21 | 基哈西就去趇乃縵的後面。乃縵看見有人走來趇伊，就落車迎接伊，講：「攏平安嗎？」 |
| 5:22 | 講，「攏平安。我的主差我來講：『抵即有二個少年人，是先知的學生，對以法蓮山地來見我，請你用銀一他連得，衣裳二套互伊』。」 |
| 5:23 | 乃縵講：「呣通推，請收二他連得」；強迫伊，就將二他連得銀裝佇二個布袋，及二套衣裳交伊二個奴僕；二個奴僕背伊，行佇伊的頭前。 |
| 5:24 | 到山裡的時，基哈西對𪜶的手接來，下佇厝內，差𪜶去，𪜶就去。 |
| 5:25 | 伊就入去，徛佇伊的主人的面前。以利沙問伊講：「基哈西，你對叨落來？」伊應伊講：「你的奴僕無去叨落。」 |
| 5:26 | 以利沙給伊講：「彼人落車倒轉來迎接你的時，我的心豈無及你去嗎？這豈是受銀、受衣裳、橄欖園、葡萄園、牛、羊、奴僕、女婢的時嗎？ |
| 5:27 | 對按呢乃縵的癩𰣻欲傳互你及你的後裔，直到永遠。」基哈西對以利沙的面前退出去，就起癩𰣻，白親像雪。 |
