走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 10:1 | 因為律法既然有將來好事的影，無許個物的真形，永永𣍐會用逐年常常啲獻相同的祭，互親近的人得著完全。 |
|---|---|
| 10:2 | 若是會，就獻祭的事豈無停息嗎？因為服事的人，一下清氣，就良心無閣知有罪。 |
| 10:3 | 若是對諸個祭物是互人逐年記得罪； |
| 10:4 | 因為牛羊的血，𣍐會除去罪。 |
| 10:5 | 所以伊來入世間，就講：祭祀禮物你呣愛；你曾給我備辦身軀。 |
| 10:6 | 燒祭及贖罪祭你無歡喜。 |
| 10:7 | 彼時我講：你看，我來啦，我的事記載佇冊裡，上帝，我來是欲行你的旨意。 |
| 10:8 | 頂面已經講：「祭祀及禮物，燒祭及贖罪祭，你呣愛，亦無歡喜（諸個是照律法來獻的）」； |
| 10:9 | 後來講：「你看，我來是欲行你的旨意」；伊是除去代先的，欲設立隨後的。 |
| 10:10 | 佇此個旨意，對耶穌基督一擺獻身軀，咱得著成聖。 |
| 10:11 | 閣見若祭司逐日徛啲來服事，沓沓獻許個相同的祭，就是永永𣍐會除去罪的。 |
| 10:12 | 獨獨基督既然獻一個祭到佇永遠，就坐佇上帝的大旁。 |
| 10:13 | 以後，聽候伊諸個對敵下做伊的腳踏椅。 |
| 10:14 | 因為伊用一擺獻祭，互諸個成聖的人永遠做完全。 |
| 10:15 | 聖神給咱做干證；因為伊已經有講： |
| 10:16 | 主講：諸個日了後，我及𪜶所欲立的約是此個：我欲將我的律法下佇𪜶的心，刻佇𪜶的頭腦。 |
| 10:17 | 後來就講：𪜶的罪惡，𪜶的不法，決斷無閣記念。 |
| 10:18 | 諸個既然赦免，就無閣為著罪獻祭。 |
| 10:19 | 所以兄弟啊，咱佇耶穌的血既然得著好膽入聖所， |
| 10:20 | 對伊所給咱開新及活的路，按帳簾經過的，此個帳簾就是伊的身體。 |
| 10:21 | 閣既然有大祭司治理上帝的家， |
| 10:22 | 咱著用真實的心，充滿的信，心已經受灑免互良心責備，身軀亦已經受清水洗，來親近上帝； |
| 10:23 | 咱所向望的已經有承認，今著堅固此個，承認無搖動，因為彼個應允咱的是信實。 |
| 10:24 | 閣著大家相眷顧，來激起仁愛，及行好。 |
| 10:25 | 呣通放息恁的聚會，親像有人慣勢按呢，就是著相勸勉，既然看見彼日近，閣卡著按呢。 |
| 10:26 | 因為咱已經得著真知真理，後來若甘心啲犯罪，就無閣有贖罪的祭； |
| 10:27 | 獨獨驚惶來聽候審判及欲吞滅對敵的熱火。 |
| 10:28 | 棄絕摩西的律法的，有二三人做干證，就互伊死無憐憫， |
| 10:29 | 何況睭踏上帝的子，將互本身成聖的約的血做俗物，閣侮慢施恩的聖神，恁想，彼號人應該受的刑罰著加偌重啊！ |
| 10:30 | 因為咱知是誰有講：「伸冤在我，我欲報應」；閣講：「主欲審判伊的百姓。」 |
| 10:31 | 陷落佇真活上帝的手，真通驚啊！ |
| 10:32 | 恁著記得前得著光照了後，忍受患難的大交戰許個日： |
| 10:33 | 或是受詈罵、艱苦，互人變弄做戲齣；抑是人受此號的艱苦，恁亦及伊有份。 |
| 10:34 | 因為人佇鎖鍊的中間，恁曾體貼伊，人搶恁的業，恁歡喜忍受，知家己有閣卡好久長佇啲的業。 |
| 10:35 | 所以，莫得棄拺恁好膽的心；因為這有大報賞。 |
| 10:36 | 恁要緊著吞愞，互恁已經行上帝的旨意，後來通受所應允的。 |
| 10:37 | 因為閣霎仔久若定，彼個啲來的欲到，伊無欲延延； |
| 10:38 | 若是我的義人欲對信來活。設使伊勼狹，我的心無歡喜伊。 |
| 10:39 | 總是咱呣是勼狹致到沈倫的，是有信致到靈魂得救的。 |
