走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 8:1 | 今阮所講，其中第一要緊的，就是咱有親像此號的祭司頭，已經坐佇天頂大威嚴的寶座的大旁， |
|---|---|
| 8:2 | 伊做聖所，及真的會幕的差用，此個會幕是主所設的，呣是人所設的。 |
| 8:3 | 凡若祭司頭攏為著獻禮物及祭祀來設立，所以此個祭司頭亦的確著有所獻。 |
| 8:4 | 設使伊佇地裡，就無做祭司，因為已經有照律法啲獻禮物的。 |
| 8:5 | 𪜶所用來服事的，就是天裡的物的像及影，親像摩西欲造會幕的時，受著命令，講：「你著謹慎，照佇山頂所指示你的款式來造逐項物。」 |
| 8:6 | 今耶穌已經得著卡尊貴的職，是伊做閣卡好的約的中保；就是用閣卡好的應允來設立的。 |
| 8:7 | 因為頭一個約若無通嫌，就無想欲立第二個約。 |
| 8:8 | 因為有嫌𪜶，就講，主講：你看，時日欲到，我欲及以色列家以及猶大家，成立新的約， |
| 8:9 | 呣是照我及𪜶列祖所立的約，就是佇牽𪜶的手，導𪜶出埃及地的時，所立的；因為𪜶無常常守我的約，我也無看顧𪜶。這是主所講的。 |
| 8:10 | 主閣講：諸個日了後，我及以色列家所欲立的約是此個：就是我欲將我的律法下佇𪜶的頭腦，刻佇𪜶的心；我欲做𪜶的上帝；𪜶欲做我的百姓。 |
| 8:11 | 𪜶逐人將來無教示𪜶本城的百姓及𪜶逐人的兄弟，講：你著識主；因為對細到大，𪜶攏欲識我。 |
| 8:12 | 因為我欲憐憫𪜶的不義，無閣記念𪜶的罪惡。 |
| 8:13 | 既然有講新的，就是互前的約做舊；凡若舊來衰退的，就是將近無去。 |
