走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 3:1 | 所以，恁諸個聖的兄弟同得著天召的，著深想咱所承認做使者、做祭司頭的耶穌。 |
|---|---|
| 3:2 | 伊盡忠佇設立伊的，親像摩西佇上帝的全家一樣。 |
| 3:3 | 因為伊算是會堪得受榮光贏過摩西，親像建立家的比家卡尊貴； |
| 3:4 | 因為家攏有人建立伊，獨獨建立萬物的就是上帝。 |
| 3:5 | 閣摩西做奴僕，果然盡忠佇上帝的全家，來干證將來欲傳的事。 |
| 3:6 | 獨獨基督做子，治理伊的家；咱若執守對向望所有的好膽及誇口堅固到尾，就做伊的家。 |
| 3:7 | 所以親像聖神講：今仔日恁若聽見伊的聲， |
| 3:8 | 就呣通剛硬恁的心，親像佇激我受氣的時、佇曠野試探我的日。 |
| 3:9 | 佇遐，恁的列祖驗來試我，閣歷過四十年看見我的所行。 |
| 3:10 | 所以，我無歡喜彼代的人，講：𪜶的心常常失迷，呣識我諸個路！ |
| 3:11 | 我就佇受氣中咒誓，講：𪜶斷斷𣍐得通入我的安息。 |
| 3:12 | 兄弟啊，恁著謹慎，驚了恁中間，豈採有人囥呣信的歹心，離開真活的上帝。 |
| 3:13 | 所以恁著趁猶有通叫做今仔日的，日日相勸勉，驚了恁中間有的互罪迷去，來硬心。 |
| 3:14 | 因為咱若持守起頭的深信堅固到路尾，就有份佇基督。 |
| 3:15 | 當猶啲講：「今仔日恁若聽見伊的聲，就呣通剛硬恁的心，親像佇激我受氣的時。」 |
| 3:16 | 因為聽來激受氣的，是是誰啊？豈呣是隨摩西出埃及的眾人嗎？ |
| 3:17 | 上帝四十年久，所無歡喜的是是誰啊？豈呣是犯罪、身屍倒佇曠野的人嗎？ |
| 3:18 | 上帝咒誓呣准入伊的安息的，若呣是呣信趁的人是是誰啊？ |
| 3:19 | 對按呢看，𪜶徛𣍐會入，就是因為呣信。 |
