走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 6:1 | 所以，基督道理的初學，咱且放下啲，來致意進步到完全，免閣下地基，就是反悔來脫離諸個死死的所行，及信上帝、 |
|---|---|
| 6:2 | 諸個洗的禮數，以及按手、死人復活，及永遠的審判，諸個教訓。 |
| 6:3 | 上帝若准，阮就欲按呢行。 |
| 6:4 | 因為人已經曾得著光照、受著天裡的恩賜， |
| 6:5 | 有份佇聖神，閣受著上帝的好話、及啲來的世界諸個權能， |
| 6:6 | 後來背叛，就𣍐會互𪜶閣換新來反悔。因為𪜶家己閣釘上帝的子佇十字架，來顯明凌辱伊。 |
| 6:7 | 因為土地，食著沓沓落的雨水，來生菜蔬，合作穡人的路用，就得著上帝賜福； |
| 6:8 | 若是生草茦及蒺藜，就受棄拺，近佇受咒詛，伊的結局就是燒燎去。 |
| 6:9 | 所疼的兄弟啊！阮雖罔按呢講，若是深信恁逐項卡贏這，閣屬佇得救。 |
| 6:10 | 因為上帝呣是無公道，來𣍐記得恁的工，及恁為著伊的名所顯明的仁愛，因為恁平素服事諸個聖徒，到今亦服事𪜶。 |
| 6:11 | 我愛恁逐人猶原顯出此號的殷勤，互恁的向望滿足，到路尾。 |
| 6:12 | 互恁無致到貧憚，就是學許個對信及吞愞來承接諸個應允的人。 |
| 6:13 | 今上帝應允亞伯拉罕的時，因為無卡大的通指來咒誓，就指本身來咒誓，講： |
| 6:14 | 「我賜福，欲賜福你；加添欲加添你的後裔。」 |
| 6:15 | 親像按呢，亞伯拉罕𠢕吞愞，就得著所應允的。 |
| 6:16 | 因為人是指卡大的來咒誓，亦用咒誓做相爭的結尾，來決定伊。 |
| 6:17 | 按呢，上帝愛欲格外顯明伊的旨意𣍐移易，互許個承接應允的人知，才用咒誓來做證見。 |
| 6:18 | 欲對二項𣍐移易的事，上帝所𣍐會白賊的，互咱有大大的安慰，就是咱已經逃避來擒所下佇頭前的向望。 |
| 6:19 | 咱為此個向望，親像靈魂的碇，拋佇帳簾內，堅固無移徙。 |
| 6:20 | 耶穌做先鋒，已經為著咱入去遐，成做永遠的祭司長，照麥基洗德的班列。 |
