走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 7:1 | 因為此個麥基洗德就是撒冷王，也是至高上帝的祭司。早抵著亞伯拉罕刣贏諸個王倒來的時，給伊祝福的。 |
|---|---|
| 7:2 | 亞伯拉罕亦將一切所得著的，抽十份一互伊。伊的名翻譯就是義的王，閣是撒冷王，就是平安王。 |
| 7:3 | 伊無父，無母，無世系，無時日的起頭，無活命的路尾，是親像上帝的子久長啲做祭司。 |
| 7:4 | 試想，先祖亞伯拉罕將所得著上等的物抽十份一互伊，就彼人尊貴到怎樣！ |
| 7:5 | 今利未的子孫擔當祭司的職的，雖然及百姓攏是亞伯拉罕的後裔，平平是兄弟，猶久奉命令，照律法對百姓提十份一。 |
| 7:6 | 總是彼個，無屬利未的世系的，曾對亞伯拉罕提十份一，閣給得著諸個應允的祝福。 |
| 7:7 | 獨獨序細互序大祝福，這是無通辯駁。 |
| 7:8 | 今佇遮提十份一的攏是會死的人；若是佇遐是彼個有受干證講，伊是活的； |
| 7:9 | 閣也會講得連提十份一的利未，也曾在佇亞伯拉罕來納十份一。 |
| 7:10 | 因為麥基洗德抵著亞伯拉罕的時，利未猶久佇𪜶祖的身軀。 |
| 7:11 | 早百姓受律法是佇利未族祭司的職任下，若對伊會得著完全，就乜使另外閣興起一個祭司，照麥基洗德的班列，無講照亞倫的班列啊？ |
| 7:12 | 因為祭司的職已經改換，就律法亦的確著改換。 |
| 7:13 | 因為諸個話所指的是屬佇別個支派，𪜶中間未曾有人跟隨佇祭壇。 |
| 7:14 | 是咱的主明明對猶大出；論此個支派，摩西未曾提起祭司的職。 |
| 7:15 | 閣若照麥基洗德的款式，有興起別個祭司。 |
| 7:16 | 呣是照肉體誡命的法來設立，是照𣍐毀壞的活命的權能，就頂面所講的理嶄然卡明。 |
| 7:17 | 因為有干證伊講：「你永永做祭司照麥基洗德的班列。」 |
| 7:18 | 因為前的誡命，廢無，是為著伊的軟弱及無利益， |
| 7:19 | （因為律法無做一項到完全）才設立閣卡好的向望；就是咱所對伊來親近上帝的。 |
| 7:20 | 閣因為伊呣是無對咒誓來設立。 |
| 7:21 | 𪜶許個立做祭司，無對咒誓，獨獨此個就對咒誓；因為設立伊的有給伊講：「主咒誓，無退悔，你永永做祭司。」 |
| 7:22 | 親像按呢，耶穌做閣卡好的約的保認。 |
| 7:23 | 許個做祭司的，因為互死阻隔，𣍐會久長，所以著真多人。 |
| 7:24 | 獨獨此個因為永永佇啲，有𣍐改換的祭司職。 |
| 7:25 | 所以凡若對伊就近上帝的人，伊會救𪜶到完全；因為伊長長活，來替𪜶祈求。 |
| 7:26 | 因為此號的祭司頭合咱的欠用，伊是聖、無歹、無垃墋、離開罪人，成做卡高諸個天。 |
| 7:27 | 伊呣免親像許個祭司頭，著日日代先為著家己的罪，後來為著百姓的罪，來獻祭；因為伊獻本身，就做一下成此個事。 |
| 7:28 | 因為律法設立軟茈的人做祭司頭；獨獨律法後咒誓的話，設立子永遠做完全的祭司頭。 |
