走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 10:1 | 波斯王古列第三年，有代誌顯明互稱做伯提沙撒的但以理。此個事是真實，關係大交戰；但以理通達此個事，明白此個異象。 |
|---|---|
| 10:2 | 彼時，我──但以理憂悶三個七日期。 |
| 10:3 | 好的物我無食，肉及酒無入我的嘴，也無用油抹我的身軀，直到滿三個七日期。 |
| 10:4 | 正月二四日，我佇希底結大河邊， |
| 10:5 | 抬目啲看，看啊，有一人身軀穿幼苧布的衫，腰縖烏法的好金。 |
| 10:6 | 伊的身軀親像黃玉，面貌親像閃爁的款，伊的目睭親像火把，伊的手及腳色緻親像磨光的銅，伊講話的聲親像歸陣人的聲。 |
| 10:7 | 此個異象只有我──但以理一人看見，因為及我佇啲的人無看見彼個異象。干單愕愕惙，走去匿， |
| 10:8 | 剩我家己佇啲。我看見此個大異象身體攏無力，閣我的娞色變歹，到攏無力。 |
| 10:9 | 總是我聽見伊講話的聲，聽見伊講話的時，我仆落地，面俯地就睏重眠。 |
| 10:10 | 看啊，有一支手摸我，互我用腳頭窩及手掌罩佇地裡啲惙。 |
| 10:11 | 伊就對我講：「大大得著寵愛的人但以理啊，你著明我及你所講諸個話，起來徛，因為我今奉差到你遮。」伊對我講此個話，我就徛啲栗栗惙。 |
| 10:12 | 伊閣對我講：「但以理啊，呣免驚！因為對你頭一日專心愛明白，閣家己謙卑佇你上帝的面前的時，你的話已經得著聽見；閣我因為你的話才來。 |
| 10:13 | 若是波斯國的人君阻擋我二十一日。看啊，有大人君的一個米迦勒來幫助我，我就停佇遐及波斯許個王做陣。 |
| 10:14 | 今我來，是欲互你明你的百姓日後所欲抵著的事，因為此個異象猶久關係多多日。」 |
| 10:15 | 伊用諸個話給我講，我就面向地，靜靜無講話。 |
| 10:16 | 看啊，有一位親像人的款，摸我的嘴唇，我就開嘴對彼位徛佇我的面前者講：「我的主啊，因為此個異象，我真憂悶，致到我攏無力。 |
| 10:17 | 我的主的奴僕怎樣會及我的主講話啊？因為此時我的身軀攏無力，也攏無喘氣。」 |
| 10:18 | 閣一位親像人的款者來摸我，互我有力。 |
| 10:19 | 伊講：「大得著寵愛的人，呣免驚，願你平安！你著勇壯，著勇壯。」伊一下對我講話，我就得著有力，講：「我的主啊，請你講，因為你已經互我有力。」 |
| 10:20 | 伊就講：「你知我為何來你遮嗎？今我欲倒去及波斯的人君交戰，我去了，看啊，希臘的人君欲來。 |
| 10:21 | 總是我欲將記載佇真實的冊的指示你。除你的大人君米迦勒以外，無一個及我鬥出力來抵當𪜶。」 |
