走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 5:1 | 伯沙撒王設大筵席請伊的大臣一千人，佇彼一千人的面前飲酒。 |
|---|---|
| 5:2 | 伯沙撒起頭飲酒的時，吩咐人將伊的老父尼布甲尼撒對耶路撒冷的殿內所搶金銀的器具提來，互王及伊的大臣以及伊的后妃通用諸個飲酒。 |
| 5:3 | 𪜶就將所搶耶路撒冷上帝的厝殿內金的器具提來，王及大臣及后妃用伊來飲。 |
| 5:4 | 𪜶飲酒，謳咾𪜶金、銀、銅、鐵、柴、石的上帝。 |
| 5:5 | 當彼時，有人的手指頭仔出現，寫字佇王宮的粉壁，燈台相對的所在。王看見寫字的手， |
| 5:6 | 王的面就失色，心內迫腹，腰骨輪，腳頭窩相磕， |
| 5:7 | 王大聲命令召許個術士、迦勒底人、占卜者攏入來，王對巴比倫智慧的人講，看甚麼人會讀此個文字，解明互我知，欲互伊穿紫色的袍，頷頸掛金鍊，佇國內職位居第三。 |
| 5:8 | 對彼時王一切智慧人攏入來，總是𣍐會讀彼個文字，也𣍐會解明互王知。 |
| 5:9 | 伯沙撒王真迫腹，面失色，伊的大臣也攏卬愕。 |
| 5:10 | 王后因為王及伊的大臣所講的話，就入辦筵席的厝，王后給伊講：「願王萬歲！你的心莫得迫腹，面莫得失色。 |
| 5:11 | 佇你的國內有一人，伊的心內有許個聖的上帝的神，你的老父在生的日看出伊的心內有光明、聰明、智慧，親像諸個上帝的智慧。你的老父尼布甲尼撒王，就是王你的老父，設立伊做博士、術士、迦勒底人，及占卜者的頭人。 |
| 5:12 | 伊有好性情，有智識聰明，會圓夢，會開拆奧妙，解釋僥疑的事。此人名叫但以理，王閣稱伊做伯提沙撒，今通叫但以理來，伊欲給你解明。」 |
| 5:13 | 就導但以理到王的面前。王問但以理講：「你是受掠的猶大人中間的但以理？就是我的老父做王的時對猶大掠來的嗎？ |
| 5:14 | 我聽見講你的心內有許個上帝的神，閣你有光明，聰明及好的智慧。 |
| 5:15 | 今許個智慧的人及術士已經帶來我的面前，欲互𪜶讀許個文字，來解明互我知，總是𪜶𣍐會解明此個事。 |
| 5:16 | 我曾聽見你的事，你𠢕解明，會解釋僥疑的事；今你若會讀此個文字，解明互我知，就欲互你穿紫色的袍，頷頸掛金鍊，佇國內職位居第三。」 |
| 5:17 | 但以理佇王的面前應講：「你的贈品通歸佇你本身，你的報賞通歸互別人；總是我欲給王讀此個文字，解明互王知。 |
| 5:18 | 王啊，至高的上帝曾將國位、大權、榮耀、威風賞賜你的老父尼布甲尼撒； |
| 5:19 | 因為上帝所賞賜伊的大權，諸個百姓、諸個國、諸個腔口的人攏驚惶愕愕惙佇伊的面前。伊隨意互人死隨意互人活，隨意給人高升隨意給人降低。 |
| 5:20 | 總是伊的心自高，伊的性剛硬，致到行驕傲，就徛伊的王位，搶奪伊的榮光。 |
| 5:21 | 伊受趕出離開人，伊的心變成親像走獸的心；及野驢相及徛起，互伊食草親像牛，身軀互天的露水濕徛，到伊知至高的上帝掌管人的國，照伊的意思設立人治理伊。 |
| 5:22 | 伯沙撒啊，你是伊的子，你雖然知這一切，你的心無家己謙卑， |
| 5:23 | 竟然自高攻擊天頂的主，𪜶有帶伊殿內的器具到你的面前，也你及你諸個大臣、以及你的后妃攏用伊來飲酒。你閣謳咾許個銀、金、銅、鐵、柴、石所做的上帝，就是𣍐看、𣍐聽、𣍐知的，總是管你的喘氣，定著你遭遇的上帝你無榮光伊。 |
| 5:24 | 對按呢，對伊的面前差出彼支手寫此個文字。 |
| 5:25 | 「所寫的文字就是此個：『彌尼，彌尼，提客勒，烏法珥新。』 |
| 5:26 | 解明就是按呢：彌尼，就是上帝已經算你的國運互伊息。 |
| 5:27 | 提客勒，就是你受秤佇天秤，顯明你的無夠額。 |
| 5:28 | 毗勒斯，就是你的國分裂，歸互瑪代人及波斯人。 |
| 5:29 | 對按呢伯沙撒出令，人就將紫色袍互但以理穿，用金鍊掛佇伊的頷頸，閣傳令互伊佇國內職位居第三。 |
| 5:30 | 佇彼暝，迦勒底王伯沙撒互人刣。 |
| 5:31 | 瑪代人大利烏得著國位，彼時六十二歲。 |
