走到哪裡都有麥子
走出你的個人世界 WITH

走到哪裡都有麥子～

聯繫我們

聯繫資訊

新北市永和郵局238號信箱 (02)2926-5882 .0987-300-005 服務信箱：info@awheat.org 捐款支持

線上台語聖經

麥穗田首頁 線上台語聖經

台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

  但以理書  第2章

章節快速選擇 :   
1
2
3
4
5
6
7
8
9
10
11
12
上下篇聖經查閱： 以西結書    何西阿書     回到目錄
2:1 尼布甲尼撒坐位第二年，尼布甲尼撒夢見，心迫腹，𣍐睏得。
2:2 王命令召博士、術士、師公，及迦勒底人來，愛𪜶用王的夢給伊講，𪜶就來徛佇王的面前。
2:3 王給𪜶講：「我有夢見一個夢，我的心迫腹，愛欲知彼個夢是甚麼。」
2:4 迦勒底人用亞蘭的腔口對王講：「願王萬歲！請將彼個夢給你諸個奴僕講，阮就欲解明。」
2:5 王應迦勒底人講：「彼個事我已經𣍐記得啦，恁若無將我所夢見講互我聽，續解明伊，就欲將恁的肉割碎碎，也恁的厝欲做糞埽堆；
2:6 總是恁若將我所夢見給我講，續解明伊，恁欲對我得著贈品、報賞、大榮光。今恁著將我所夢見講互我聽，續解明伊。」
2:7 𪜶第二擺閣對王講：「請王將所夢見的給諸個奴僕講，阮就欲解明伊。」
2:8 王應講：「我準準知恁是故意延延，因為恁知彼個夢我已經𣍐記得啦。
2:9 恁若無將我所夢見給我講，只有一法通款待恁；因為恁已經有備辦謊言亂語對我講，啲聽候時勢的改變。今恁著將所夢見給我講，我就知恁會解明伊。」
2:10 迦勒底人佇王的面前應講：「王此號事地上無人會講出；因為未曾有君王、大臣、掌權的教博士、抑是術士，抑是迦勒底人著按呢做。
2:11 王所問的是稀奇的事。除去無及世間人同徛起的神明以外，無一個會佇王的面前講出。」
2:12 王受氣，受氣到極，命令剿滅巴比倫一切智慧的人。
2:13 對按呢出命令，欲刣智慧的人，就尋但以理及伊的同伴，欲刣𪜶。
2:14 王的侍衛長亞略出來，欲刣巴比倫智慧的人，但以理用精通智慧的話應伊，
2:15 就對王的侍衛長亞略講：「王所出的命令怎樣到即緊急啊？」亞略就將此個代誌給但以理講。
2:16 但以理就入去求王寬限，就欲將夢給王解明。
2:17 但以理倒去伊的厝，將此個事給伊同伴哈拿尼雅、米沙利、亞撒利雅講，
2:18 愛𪜶為著此個祕密的事祈求天頂的上帝憐憫，免得但以理及伊的同伴及巴比倫其餘智慧的人相及滅無。
2:19 此個祕密的事就佇暝時異象中對但以理顯明，但以理就謳咾天頂的上帝。
2:20 但以理講：「上帝的名應該受謳咾到永遠！因為智慧權能攏屬佇伊。
2:21 伊變換時期、節季，伊廢無王，設立王，將智慧互智慧的人，將見識互聰明的人。
2:22 伊指示深奧祕密的事，暗中所有的伊攏知，光也及伊相及住。
2:23 我的列祖的上帝啊，我感謝你，謳咾你，因為你賞賜我智慧才能，今用阮對你所求的已經指示我，因為你有用王的事指示阮。」
2:24 對彼霎，但以理入去見亞略，就是王所派剿滅巴比倫許個智慧的人的，伊去給伊講：「莫得剿滅巴比倫許個智慧的人，導我到王的面前，我欲將夢給王解明。」
2:25 亞略即時導但以理到王的面前，對伊講：「我佇猶大受掠的人的中間抵著一人，伊會將夢給王解明。」
2:26 王對稱做伯提沙撒的但以理講：「你會將我所看見的夢給我講續給我解明嗎？」
2:27 但以理佇王的面前應講：「王所問的祕密，智慧的人、術士、博士、卜卦者攏𣍐給王指明；
2:28 總是天頂有一位上帝會顯明祕密的事。今用後日啲欲有的事有指示尼布甲尼撒王。你所夢見的及你佇床裡所想的異象是按呢：
2:29 王啊，你佇床裡想到將來的事，彼位顯明祕密的事者用將來所欲有的事指示你。
2:30 論到我彼個祕密的事顯明佇我，呣是為著我有智慧贏過一切活啲的人，就是刁持欲解明互王知，閣互你知你的心的念頭。
2:31 「王啊，你啲看，就看見有一身大像，此個像真高，極其燦爛，徛佇你的面前，伊的形狀真通驚。
2:32 此個像，伊的頭殼是好金的，伊的胸脅及手骨是銀的，腹肚及大腿是銅的，
2:33 伊的腳胴是鐵的，伊的腳盤一半鐵一半土的。
2:34 你啲看到有一塊石拍出來，呣是用手拍的，摃著彼身像鐵及土的腳盤，來拍破𪜶；
2:35 對按呢彼個鐵、土、銅、銀、金做一下拍碎碎，變做夏天五穀場的粗糠，互風吹散，無閣有𪜶的位處。閣此個摃著像的石變成大山，充滿全地。
2:36 「這就是彼個夢。阮今欲佇王的面前解明伊。
2:37 王啊，你是列王的王。天頂的上帝已經將國度、權柄、能力、榮光賞賜你。
2:38 見若世間人徛起的所在，連山野的走獸，空中的飛鳥，伊攏交付你的手，互你掌管諸個一切。你就是彼個金的頭殼。
2:39 你以後欲閣興起一國，呣值著你；閣有第三國，就是銅的，欲掌管天下。
2:40 第四國，欲堅定親像鐵，鐵會拍破萬物互伊降服，閣親像鐵壓碎一切，伊也欲拍破列國壓碎𪜶。
2:41 你也看見伊的腳盤及腳指頭仔，一半是燒磁的土，一半是鐵，彼個國也欲分開。總是你看見鐵及爛土相參，此個國也欲有鐵的力。
2:42 許個腳指頭仔，既然一半是鐵一半是土，按呢彼個國欲一半強一半弱。
2:43 你既然看見鐵及爛土相參，𪜶欲及人的種族相參，總是二比𣍐相合，親像鐵及土𣍐相參得。
2:44 當許個列王的日，天頂的上帝欲設立一國，永遠𣍐廢無，伊的權柄𣍐會歸佇別國，總是伊欲毀壞許個國來滅伊，家己欲永遠徛在。
2:45 你既然看見有石對山裡拍出來呣是用手拍的，來拍破彼個鐵、銅、土、銀、金，就是至大的上帝用將來欲有的代誌指示王。彼個夢是真，彼個解明是確實。」
2:46 當時，尼布甲尼撒王仆佇地裡，拜但以理，命令用禮物芳料獻互伊。
2:47 王應但以理對伊講：「你已經會顯明此個祕密的事，恁的上帝真正是諸個上帝的上帝、諸個王的主，閣是顯明許個祕密者。」
2:48 對彼霎王高升但以理，賞賜伊多多上品的禮物，派伊管理巴比倫全省，閣做總理，來掌管巴比倫一切智慧的人。
2:49 但以理求王，王就派沙得拉、米煞、亞伯尼歌管理巴比倫省的事務，獨獨但以理跟隨佇王宮。

- 本章節結束 -

上一章    下一章