走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 4:1 | 尼布甲尼撒王頒詔互天下諸個百姓、諸個國、諸個腔口的人講：「願恁大享受平安！ |
|---|---|
| 4:2 | 至高的上帝所行佇我的神蹟奇事，我歡喜宣佈。 |
| 4:3 | 大啊，伊的神蹟！豐盛啊，伊的奇事！伊的國是永遠的國；伊的權柄到代代！ |
| 4:4 | 「我──尼布甲尼撒佇我的厝，安然徛起佇我的王宮宴樂。 |
| 4:5 | 我夢見一個夢，互我驚惶。我佇眠床裡的思想，及心內的異象，互我迫腹。 |
| 4:6 | 所以我出令召巴比倫一切智慧的人到我的面前，教𪜶解明彼個夢互我知。 |
| 4:7 | 對按呢許個博士、術士、迦勒底人、占卜者攏入來，我將彼個夢當面給𪜶講，總是𪜶無解明互我知。 |
| 4:8 | 路尾有但以理，照我的上帝的名稱做伯提沙撒的，到我的面前，伊的心內有諸個聖的上帝的神，我用夢給伊講： |
| 4:9 | 『博士長伯提沙撒啊，因為我知你的心內有諸個聖的上帝的神，無一項祕密的事互你為難。今著將我夢中所看見的異象及伊的解明來給我講。』 |
| 4:10 | 「我佇床裡心內的異象是諸個：我啲看，看見地的中間有一欉樹，極其高。 |
| 4:11 | 彼欉樹漸漸大，閣堅固，高到抵天，地的極頭也會看見， |
| 4:12 | 伊的葉茂盛，果子真多，彼內面有眾生的食物；田野的走獸住佇伊的蔭影，空中的飛鳥歇佇伊的枝；見有血氣者對伊得著食。 |
| 4:13 | 「我佇眠床，佇我心內的異象，看見有一個守望閣是聖者對天落來。 |
| 4:14 | 大聲叫講：『剉彼欉樹！砍伊的枝！搖落伊的葉！拍散伊的果子！互走獸離開伊的下面，互飛鳥離開伊的枝。 |
| 4:15 | 總是著留伊的根頭佇地裡，用鐵及銅的環縛伊佇田裡新發的草中，用天的露水濕徛伊，也互伊及走獸有份佇地上的草場， |
| 4:16 | 互伊的心，變做呣是人的心，也用獸的心互伊，互伊歷過七個時期。 |
| 4:17 | 這是諸個守望者所定著的命，諸個聖者所出的令，互眾生知至高者掌管人的國，也照家己的意思用國賞賜人，也用至微細的人設立做主。』 |
| 4:18 | 「這是我──尼布甲尼撒王所看見的夢。伯提沙撒啊，你著解明伊；因為我國內一切智慧的人，攏𣍐會解明互我知，只有你會，因為恁心內有許個聖的上帝的神。」 |
| 4:19 | 彼時稱做伯提沙撒的但以理卬愕有許久，心內迫腹。王對伊講：「伯提沙撒啊，呣免為著彼個夢及伊的解明來迫腹。伯提沙撒就應講，願彼個夢歸佇怨恨你的，彼個解明歸佇你的對敵。 |
| 4:20 | 你所看見的樹漸漸大，閣堅固，高到抵天，地的極頭也會看見； |
| 4:21 | 伊的葉茂盛，伊的果子真多，彼內面有眾生的食物；田野的走獸住佇伊的下面；空中的飛鳥歇佇伊的枝。 |
| 4:22 | 「王啊，此欉樹就是你。你漸漸大閣堅固，你的強大漸漸進步到抵天，你的權柄到佇地極。 |
| 4:23 | 王既然看見有一個守望閣是聖者對天落來，講：『著剉彼欉樹來毀壞伊，總是著留伊的根頭佇地裡，用鐵及銅的環縛伊佇田裡新發的草中，用天的露水濕徛伊，也互伊及走獸有份，歷過七個時期。』 |
| 4:24 | 「王啊，彼個解明是按呢：閣至高者的命令欲到我的王，我的主也是按呢。 |
| 4:25 | 你欲受趕出離開人，及田野的走獸相及徛起，也欲互你食草親像牛，互天的露水濕徛，也欲歷過七個時期。到你知至高者掌權人的國，也照家己的意思用國賞賜人。 |
| 4:26 | 𪜶既然吩咐樹的根頭著留啲，到你知諸個天啲掌權的時，就你的國必定閣歸佇你。 |
| 4:27 | 王啊，今求你歡喜接納我的苦勸，用行公義來斷絕你的罪過，用憐憫喪鄉人來除去你的過失，豈採你的平安會久長。」 |
| 4:28 | 諸個事攏應驗佇尼布甲尼撒王。 |
| 4:29 | 到十二月滿，伊行遊佇巴比倫的王宮。 |
| 4:30 | 王講：「這豈呣是大的巴比倫，我用我大力的權，也為著我的威嚴的榮光來起的，做本國的宮殿嗎？」 |
| 4:31 | 此個話猶久佇王的嘴的時，有聲對天落來，講：「尼布甲尼撒王啊，有話給你講，國位已經離開你啦。 |
| 4:32 | 你欲受趕出離開人，及田野的走獸相及徛起，也欲互你食草親像牛，也欲歷過七個時期。到你知至高者掌管人的國，也照家己的意思用國賞賜人。」 |
| 4:33 | 就彼時代誌應驗佇尼布甲尼撒，伊受趕出離開人，食草親像牛，身軀互天的露水濕𣸄，到伊的毛發，親像鷹鳥的毛；伊的指甲長，親像鳥的爪。 |
| 4:34 | 許個時日已經滿，我──尼布甲尼撒抬目向天，我的靈性就閣復倒，我就祝謝至高者，謳咾尊榮永活者。因為伊的權是永遠的權；伊的國到代代。 |
| 4:35 | 地上徛起的百姓伊看做無；佇天裡的軍隊及地上徛起的百姓中，伊攏照家己的意思行代誌。無人會阻擋伊的手，抑是問伊講，你做甚麼啊？ |
| 4:36 | 彼時，我的靈性閣復倒，我的威嚴、榮耀閣歸佇我，做我的國的榮光；我的謀士及大臣也來朝見我。我的國位閣堅固，大權柄閣加添佇我。 |
| 4:37 | 今我──尼布甲尼撒謳咾尊敬、稱呼天頂的王；因為伊所做的攏真實，伊所行的攏公平。許個行佇驕傲者，伊會給𪜶降低。 |
