走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 6:1 | 大利烏照伊的意思，設立一百二十個總督，互𪜶分管全國。 |
|---|---|
| 6:2 | 閣佇𪜶的頂面設立總長三人（其中但以理是一個），互許個總督將政事對𪜶稟明，免得王虧損。 |
| 6:3 | 因為此個但以理有好性情，所以贏過其餘的總長及總督，王就想欲設立伊治理通國。 |
| 6:4 | 對按呢，總長及總督佇國政中尋縫，欲告但以理；總是尋無伊的空縫及過失，因為伊盡忠，攏尋無伊的錯誤過失。 |
| 6:5 | 許個人就相及講：「此個但以理除去伊趁伊的上帝的律法以外，咱無通尋伊的空隙來告伊。」 |
| 6:6 | 對彼霎，許個總長及總督紛紛聚集來見王：「願大利烏王萬歲！ |
| 6:7 | 國內總長、欽差、總督、謀士，及巡撫攏相及議論，愛欲設一條王的例來立一條嚴的禁令，佇三十日內，除去求王以外，見若對不論甚麼上帝抑是對人來求者，著㧒伊落獅穴， |
| 6:8 | 王啊，今求你設立彼個禁令，簽字佇彼個詔，互伊𣍐改換得；照瑪代及波斯的例𣍐通改得。」 |
| 6:9 | 對按呢大利烏王簽字佇彼個詔，及禁令。 |
| 6:10 | 但以理知此個詔已經簽字，就到伊的厝，（伊房內的窗開向耶路撒冷），一日三擺，跪佇伊的上帝的面前，祈禱感謝，及平日無各樣。 |
| 6:11 | 諸個人就紛紛聚集，看見但以理佇伊的上帝的面前祈禱懇求。 |
| 6:12 | 𪜶就到王的面前，提起王的禁令，講：「王啊，佇三十日內除去求王以外，見若對不論甚麼上帝抑是對人來求者，著㧒伊落獅穴。你豈呣是簽字佇此個詔嗎？」王應講：「此個事實在有，照瑪代及波斯的例𣍐通改得。」 |
| 6:13 | 𪜶佇王的面前應講：「王啊，佇猶大族受掠者的中間彼個但以理，無掠你及你所簽字的禁令做要緊，伊竟然一日三擺祈禱。」 |
| 6:14 | 王聽見諸個話，盡在煩惱，留心欲救但以理，直直想求伊的法度到日落。 |
| 6:15 | 諸個人就紛紛聚集來見王，給王講：「王啊，著知瑪代人及波斯人有例，見若王所立的禁令及律例攏𣍐改換得。」 |
| 6:16 | 王就出令，人就帶但以理來，㧒伊佇獅穴。王對但以理講：「你的上帝你所常常服事的，伊欲救你。」 |
| 6:17 | 人搬石頭來下佇穴口，王用家己的印及大臣的印封密伊，互但以理的代誌攏𣍐改換得。 |
| 6:18 | 王倒去宮內，通暝禁食，無人作樂佇伊的面前，伊也𣍐睏得。 |
| 6:19 | 隔早起，王早早起來，緊緊去到獅穴。 |
| 6:20 | 將近穴邊，出哀傷的聲叫但以理，王對但以理講：「永活上帝的奴僕但以理啊，你的上帝，你所常常服事的，會救你脫離許個獅嗎？」 |
| 6:21 | 但以理對王講：「願王萬歲！ |
| 6:22 | 我的上帝差伊的使者，勒諸個獅的嘴，互𪜶無傷害我；因為我佇伊的面前無罪，王啊，我佇你的面前也無行剋虧你的事。」 |
| 6:23 | 王為著按呢歡喜到極，命令人取但以理出穴。對按呢取但以理出穴，伊的身軀攏無受傷，因為伊倚靠伊的上帝。 |
| 6:24 | 王就出令，人就將許個告但以理的人，連𪜶的某子攏帶來，㧒落獅穴。𪜶猶未到穴底，獅就挲𪜶，咬碎𪜶的骨頭。 |
| 6:25 | 彼時大利烏王頒詔，互全地許個百姓、許個國、許個腔口的人講：「願恁大大享受平安！ |
| 6:26 | 今我出令吩咐我所管轄通國百姓，著佇但以理的上帝的面前驚惶愕愕惙。因為伊是活的上帝，長長佇啲，伊的國永遠無滅；伊的權柄無窮無盡！ |
| 6:27 | 伊行拯救，佇天裡佇地裡行神蹟奇事，伊有救但以理脫離獅的嘴。」 |
| 6:28 | 按呢，此個但以理，當大利烏坐位的時及波斯人古列坐位的時，攏得著亨通。 |
