走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
以西結書的內容可分為六部份：一、 神選加以西結作先知。二、警告人民關於 神的審判和耶路撒冷的毀滅。三預言那些迫害和誘惑 神子民的國家將受懲罰。四，慰勉耶路撒冷淪陷後的以色列人，並預言有光明的前途。五，預言歌革滅亡。六，以西結對復國和重建聖殿的憧憬。
| 1:1 | 當三十年四月初五，我佇迦巴魯的河邊受掠的人的中間，彼時天開，我看見上帝的異象。 |
|---|---|
| 1:2 | 佇彼月的初五，就是約雅斤王受掠的第五年， |
| 1:3 | 佇迦勒底人的地、迦巴魯的河邊，耶和華的話刁持臨到布西的子，祭司以西結；佇遐耶和華的手下佇伊的身上。 |
| 1:4 | 我看見，你看有狂風對北方來，有大片雲有炎炎閃的火，伊的周圍有光；對彼中間的火內發出親像琥珀的色緻； |
| 1:5 | 閣對彼中間出現四個活物的形像。𪜶的款式是按呢：有人的形像， |
| 1:6 | 逐個有四個面，逐個有四支翅。 |
| 1:7 | 𪜶的腳是直直，腳跡底親像牛仔的腳蹄，攏燦爛親像磨光的銅的刺目。 |
| 1:8 | 佇𪜶四面的翅下閣有人的手。此個四個活物的面及翅就是按呢： |
| 1:9 | 𪜶的翅攏相連接，行的時身軀呣免越，攏直直進前去。 |
| 1:10 | 論到𪜶的面的形像：𪜶有人的面，𪜶四個佇正旁有獅的面，𪜶四個佇倒旁有牛的面，𪜶四個也有鷹鳥的面。 |
| 1:11 | 𪜶的面是按呢：𪜶的翅對頂面展開，此個彼個二個翅相連，閣有二個翅蓋身軀。 |
| 1:12 | 𪜶逐個直直行進前。神欲去叨落，𪜶就去遐，行的時身軀呣免越。 |
| 1:13 | 論到活物的款式，𪜶的形像親像𤏸的火炭，閣親像火把的形像。起起落落佇活物的中間，火真光，對火中發出閃爁。 |
| 1:14 | 許個活物走去走來，親像閃爁啲閃。 |
| 1:15 | 我啲看活物的時，看啊，有車輪佇地上佇活物的邊仔照伊的四面。 |
| 1:16 | 車輪及𪜶的做法的款式親像黃的玉的色緻。四個輪的形像像一款，𪜶的款式及做法是親像輪中有輪。 |
| 1:17 | 輪行的時，四面攏會行直，行的時呣免越。 |
| 1:18 | 論到車輪的環，是真高通驚；四個輪的環有目睭滿滿。 |
| 1:19 | 活物行的時，輪也佇𪜶的身邊啲行；活物舉起離開地的時，輪也舉起。 |
| 1:20 | 神所欲去的所在，𪜶也去；神若去佇遐，輪也佇𪜶的身邊舉起，因為活物的神佇輪的內面。 |
| 1:21 | 許個若行，諸個也行；許個若停，諸個也停；許個若舉起離開地的時，輪也佇𪜶的身邊舉起，因為活物的神佇輪的內面。 |
| 1:22 | 活物的頭殼的頂面有穹蒼的形像，看了親像通驚的水晶的色緻，舖佇𪜶的頭殼的頂面。 |
| 1:23 | 佇穹蒼的下面，𪜶的翅展直直，大家相對；閣有二支翅蓋伊的身軀的此旁，也閣有二支翅蓋伊的身軀的彼旁。 |
| 1:24 | 𪜶行的時，我聽見𪜶的翅的聲，親像多多水的聲，親像全能者的聲，有嘩嘩嚷的聲親像軍隊的聲。𪜶停的時，翅就放落來。 |
| 1:25 | 佇𪜶頭殼頂穹蒼的頂面有聲。𪜶停的時，翅就放落來。 |
| 1:26 | 佇𪜶頭殼頂穹蒼的頂面有寶座的形像，親像藍色的寶石；佇寶座形像的頂面有形像親像人的款式。 |
| 1:27 | 我看見對伊的腰的形像的頂面有琥珀的色緻，佇伊的內面周圍有火的形像，也看見對伊的腰的形像的下面有親像火的形像周圍真光。 |
| 1:28 | 佇落雨的日，雲中虹的形像怎樣，周圍的光的形像也是按呢。我一下看見，就仆佇地裡，閣聽見一位講話者的聲。 |
- 本章節結束 -
下一章