走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 3:1 | 伊就對我講：「人子啊，著食你所得著的，著食彼卷冊，也著去對以色列家講話。」 |
|---|---|
| 3:2 | 對按呢我開嘴，伊就互我食彼卷， |
| 3:3 | 閣對我講：「人子啊，將此卷我所互你的，著食佇你的腹肚，充滿你的腸。」我就食伊，嘴內知伊的甜親像蜜。 |
| 3:4 | 伊對我講：「人子啊，起來就近以色列的家，也用我的話給𪜶講。 |
| 3:5 | 因為你奉差呣是去彼個講話深奧、言語得聽的百姓遐，就是去以色列家； |
| 3:6 | 呣是去許個講話深奧，言語得聽的多多國，𪜶的話你𣍐曉得聽。 |
| 3:7 | 我若差你去𪜶遐，𪜶的確聽你；總是以色列家呣肯聽你，因為呣肯聽我；因為以色列全家是頭額𠕇心硬的人。 |
| 3:8 | 看啊，我互你的面硬，抵敵𪜶的面，互你的頭額𠕇，抵敵𪜶的頭額。 |
| 3:9 | 我互你的頭額親像鑽石，比火石卡𠕇。𪜶雖然是悖逆的家，你莫得驚𪜶，也莫得因為𪜶的面貌來驚惶。」 |
| 3:10 | 伊閣對我講：「人子啊，我對你所講一切的話，你著用心承受，用耳孔聽。 |
| 3:11 | 你著去就近本國受掠的百姓遐，𪜶豈採聽，豈採呣聽，你著對𪜶講話，給𪜶講，這是主耶和華按呢講。」 |
| 3:12 | 彼時，神舉起我，我就聽見佇我的尻脊後有大振動呼呼哮的聲，講：「耶和華的榮光對伊的所在顯出，應該得著謳咾！」 |
| 3:13 | 我也聽見許個活物的翅相磕著的聲，及𪜶的身邊輪的聲，就是大振動呼呼哮的聲。 |
| 3:14 | 對按呢神舉起我，帶我去。我去真艱苦，心神激烈，耶和華的手佇我身上真有力。 |
| 3:15 | 我就到提勒亞畢，踮佇迦巴魯河邊受掠的人彼位，到𪜶所徛起的所在，佇𪜶中間坐七日久，踮遐真卬愕。 |
| 3:16 | 過七日，耶和華的話臨到我講： |
| 3:17 | 「人子啊，我設立你做以色列家守望的人，所以你著聽我的嘴所講的，替我警戒𪜶。 |
| 3:18 | 我對歹人講：你的確會死；若你無警戒伊，無用話警戒歹人，互伊離開伊的歹路，來救伊的生命，就彼個歹人欲死佇伊的罪；總是我欲對你的手討伊的生命。 |
| 3:19 | 設使你警戒歹人，也伊無越轉離開伊的歹所行及伊的歹路，就伊欲死佇伊的罪，總是你有救你家己的生命。 |
| 3:20 | 閣設使有義人越轉離開伊的義來犯罪，我也下塞礙佇伊的面前，就伊欲死；因為你無警戒伊，就伊欲死佇伊的罪，閣伊所有行的義無閣得著紀念；總是我欲對你的手討伊的生命。 |
| 3:21 | 總是你若警戒義人，互義人無犯罪，伊若真正無犯罪，就的確得著活；因為伊有受警戒，你亦救家己的生命。」 |
| 3:22 | 耶和華的手佇遐下佇我的身上。伊對我講：「你起來去平洋，我欲佇遐及你講話。」 |
| 3:23 | 對按呢，我起來出去到平洋，看啊，耶和華的榮光徛佇遐，親像我佇迦巴魯河邊所看見的榮光一樣，我就仆佇地裡。 |
| 3:24 | 神就入我的內面，互我徛起來。伊及我講話，對我講：「去啊，你著家己關佇厝內。 |
| 3:25 | 人子啊，人欲用索下佇你的身軀給你捆縛，致到你𣍐出去來行佇𪜶中間。 |
| 3:26 | 我欲互你的舌粘佇你的上徛，致到你啞口，𣍐會做責備𪜶的人；因為𪜶是悖逆的家。 |
| 3:27 | 獨獨到我及你講話的時，我欲開你的嘴，你就對𪜶講：『主耶和華按呢講。』愛聽者聽，呣聽者據伊呣聽，因為𪜶是悖逆的家。」 |
