台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

以西結書第2章

章節快速選擇 :

上下篇聖經查閱：耶利米哀歌但以理書回到目錄

2:1	伊對我講：「人子啊，你起來徛，我欲及你講話。」
2:2	伊對我講話的時，神就入我的內面，互我徛起來，我就聽見彼位對我講話者的聲。
2:3	伊對我講：「人子啊，我差你去到以色列族。到悖逆的邦國，𪜶是悖逆我的，𪜶及𪜶的列祖違逆我，直到今仔日。
2:4	諸個子面皮厚，心硬。我差你去𪜶遐，你著對𪜶講：主耶和華按呢講。
2:5	𪜶豈採聽，豈採呣聽，（因為𪜶是悖逆的家），欲知佇𪜶中間的確曾有先知。
2:6	人子啊，雖然有草茦蒺藜佇你遐，閣你踮佇蠍仔蟲的中間，攏莫得驚𪜶，也莫得驚𪜶的話；𪜶雖然是悖逆的家，猶久莫得驚𪜶的話，也莫得因為𪜶的面貌來驚惶。
2:7	𪜶豈採聽，豈採呣聽，你做你將我的話給𪜶講；因為𪜶是極其悖逆的。
2:8	「人子啊，你著聽我對你所講的話，你呣通悖逆親像彼個悖逆的家，你著開嘴食我所互你的。」
2:9	彼時我看，看啊，有一支手伸向我遮來，看啊，手內有一卷冊。
2:10	伊將彼本掀開佇我的面前，內外攏有寫字，彼頂面所寫的有哀傷、吐氣、災禍的話。

- 本章節結束 -