走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 28:1 | 耶和華的話閣臨到我講： |
|---|---|
| 28:2 | 「人子啊，你著對推羅的君王講，主耶和華按呢講：因為你心內驕傲，你亦講：我是一個上帝；我佇海中坐上帝的位。你雖然存心家己掠做是上帝，其實你是人，呣是上帝！ |
| 28:3 | 看啊，你比但以理卡有智慧，無一項秘密的事對你隱密。 |
| 28:4 | 你倚靠家己的智慧聰明得著財寶、得著金銀，收佇你的庫房。 |
| 28:5 | 你倚靠家己的大智慧及生理加添你的好額，亦你的心為著你的好額來驕傲。 |
| 28:6 | 所以主耶和華按呢講：因為你存心家己掠做是上帝， |
| 28:7 | 看啊，所以我欲帶外邦人，就是列國中強暴的人來你遮；𪜶欲拔刀攻擊你對智慧所得著的好物，拍垃墋你的榮光。 |
| 28:8 | 𪜶欲互你落深坑；你欲死佇海中，親像受刣的人的死一樣。 |
| 28:9 | 佇刣你的人的面前，你猶未講「我是上帝」嗎？其實你佇刣死你的人的手，不過是人，呣是上帝。 |
| 28:10 | 你欲死佇外國人的手中，親像未受割禮的人的死一樣，因為我有講伊。這是主耶和華所講的。」 |
| 28:11 | 耶和華的話臨到我講： |
| 28:12 | 「人子啊，你著給推羅王做哀歌，對伊講主耶和華按呢講：你無所呣齊備，智慧充足，完全娞。 |
| 28:13 | 你曾佇伊甸上帝的園內，用逐樣的寶石做你的妝飾，就是紅寶石、黃玉及金剛石、青玉、紅瑪瑙、及碧玉、藍玉、綠寶石、及赤玉、及黃金；閣你鼓及簫佇你遐製造，當你受造的日，就攏齊備。 |
| 28:14 | 你是彼個受抹油遮蓋的𠼻𡀔兵；我安置你佇上帝的聖山；你往來佇出火的石的中間。 |
| 28:15 | 你對受造的日所行攏完全，直到尋著不義佇你的中間。 |
| 28:16 | 因為你生理真大，人就用強暴充滿佇你的中間，致到你犯罪，因為按呢，我看你親像污穢，就對上帝的山趕逐你。遮蓋的𠼻𡀔兵啊，我已經將你對出火的石的中間除滅。 |
| 28:17 | 你因為娞，心中驕傲，閣因為你的榮光敗壞你的智慧，我已經捙倒你佇地裡，互你倒佇君王的面前，互𪜶看見。 |
| 28:18 | 你因為罪過真多，做生理無公道，你拍垃墋你許個聖所。所以，我互火對你中間出，來燒滅你，互你佇所有看見的人的目睭前變做地上的火灰。 |
| 28:19 | 眾百姓的中間，見若識你的人，攏欲為著你來卬愕。你互人通驚，永遠無通閣佇啲。」 |
| 28:20 | 耶和華的話臨到我講： |
| 28:21 | 「人子啊，你的面著向西頓對伊宣傳講， |
| 28:22 | 主耶和華按呢講：西頓啊，看啊，我及你做對敵，我的確佇你中間得著榮光。我佇伊中間行審判，顯明我做聖的時，𪜶就知我是耶和華。 |
| 28:23 | 我亦欲互瘟疫，及流血的事入伊的街路。著傷者倒佇伊的中間，四圍有刀劍攻擊伊，𪜶就知我是耶和華。」 |
| 28:24 | 「四圍平素看輕以色列家的人，以後無閣向𪜶做鑿人的茦，互人艱苦的草茦，𪜶就知我是主耶和華。」 |
| 28:25 | 主耶和華按呢講：「我聚集以色列家對所四散去的百姓中，對𪜶顯明我做聖佇列國人的目睭前，彼時𪜶欲徛起佇本所在，就是我所賞賜我的奴僕雅各的地。 |
| 28:26 | 𪜶欲安然徛起佇彼中間。我已經行審判佇四圍看輕𪜶的人，彼時𪜶欲起厝，栽種葡萄園，安然徛起，𪜶就知我是耶和華──𪜶的上帝。」 |
