走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 27:1 | 耶和華的話閣臨到我講： |
|---|---|
| 27:2 | 「人子啊，著為推羅做哀歌， |
| 27:3 | 給推羅講：你徛起海口，及列國眾海嶼買賣做生理。主耶和華按呢講：推羅啊，你曾講：我是完全娞者。 |
| 27:4 | 你的境界佇海中，起造你的互你的娞完全。 |
| 27:5 | 𪜶用示尼珥的松樹做你一切的板，用黎巴嫩的柏香樹做你的船桅， |
| 27:6 | 用巴珊的橡樹做你的槳，用基提海嶼的黃楊柴入象牙做你坐的板。 |
| 27:7 | 用埃及徛花的幼苧布做你的篷，做你的旗；用以利沙海嶼藍色、紫色的布做你的涼棚。 |
| 27:8 | 西頓及亞發徛起的百姓做你的划槳者。你中間𠢕的人做你的按舵者。 |
| 27:9 | 迦巴勒老練者及𠢕的人，攏佇恁中間做補船孔者；一切過海的船隻及𪜶的水手攏佇你中間經營生理的事。 |
| 27:10 | 「波斯、路德、弗的人佇你軍營中做戰士；𪜶佇你的中間掛盾牌及頭盔，顯明你的娞。 |
| 27:11 | 亞發人及你的軍隊攏佇你四圍的牆頂，你的守更樓亦有勇士；𪜶掛𪜶的盾牌佇你四圍的牆壁，成全你的娞。 |
| 27:12 | 「他施人因為逐樣的財物充足，就做你的客商，帶銀、鐵、錫、鉛，來換你的貨物。 |
| 27:13 | 雅完人、土巴人、米設人，攏及你交關；𪜶用人口及銅器來換你的貨物。 |
| 27:14 | 陀迦瑪族用馬及戰馬及騾來換你的貨物。 |
| 27:15 | 底但人及你交關，多多海嶼做你的下盤生理；𪜶帶象牙、黑木柴及你交換。 |
| 27:16 | 亞蘭人因為你的製造充足，就做你的客商；𪜶用綠寶石、紫色的布、徛花的物、幼苧布、珊瑚，紅寶石來換你的貨物。 |
| 27:17 | 猶大及以色列地的人攏及你交關；𪜶用米匿的麥、餅、蜜、油、乳香來換你的貨物。 |
| 27:18 | 大馬色人因為你的製造充足，閣因為逐樣的財物充足，就帶黑本的酒及白羊毛及你交關。 |
| 27:19 | 威但人及雅完人帶線及光的鐵、肉桂、菖浦，佇你的街市換你的貨物。 |
| 27:20 | 底但人用娞的馬鞍墊及你交關。 |
| 27:21 | 亞拉伯人及基達一切的領袖攏做你的下盤生理，用羊羔、公的綿羊、山羊及你交關。 |
| 27:22 | 示巴及拉瑪的生理人及你交關，𪜶用逐類上好的香料、逐類的寶石，及黃金來換你的貨物。 |
| 27:23 | 哈蘭、干尼、伊甸人、示巴的生理人、亞述人、基抹人及你交關。 |
| 27:24 | 諸個生理人用真好的貨物，藍色徛花的布裝歸包，閣有娞的衣服裝佇柏香柴的箱仔內，用索縛伊及你交關。 |
| 27:25 | 他施的船隻鬥歸幫，給你載貨，你就佇海中富有，極其榮光。 |
| 27:26 | 你的划槳的已經划你到大水的所在，東風佇海中給你摃破。 |
| 27:27 | 你的錢財、你的物件、你的貨品、你的水手、你的按舵者、你的塞船孔者、你的經營生理者，以及你中間的戰士及你中間的眾人，佇你敗壞的日攏欲沈佇海中。 |
| 27:28 | 你按舵者喉叫的聲一下喝，郊野攏欲振動。 |
| 27:29 | 見若划槳者及水手，及一切過海按舵者，攏欲離開船上岸。 |
| 27:30 | 𪜶欲為你開聲大哭，摻土粉佇頭殼，翱佇火灰中； |
| 27:31 | 閣為著你來剃光頭，用麻布縖腰，痛心啼哭，極其悲哀。 |
| 27:32 | 𪜶哀傷的時，為著你做哀歌啼哭你，講：有甚麼城親像推羅？親像伊佇海中成做靜淒淒的啊？ |
| 27:33 | 你的貨物對海面上山，就互多多百姓充足；你用多多錢財、貨物，互地上的君王好額。 |
| 27:34 | 你佇深水中互海湧撞破的時，你的貨物及你中間一切的眾人，就攏沈落去。 |
| 27:35 | 海嶼徛起的百姓為著你卬愕；𪜶的君王攏真驚，面帶憂容。 |
| 27:36 | 列國的生理人攏欲出譏刺的聲；你互人通驚；你無通閣佇啲直到永遠。」 |
