走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 17:1 | 耶和華的話臨到我講： |
|---|---|
| 17:2 | 「人子啊，你著對以色列家出猜，設譬喻， |
| 17:3 | 講主耶和華按呢講：有一隻大鷹，翅股大，翅尾長，毛草實，有五彩色，飛到黎巴嫩，取柏香樹中枝的枝尾， |
| 17:4 | 遏折伊盡尾溜茈的枝，含到生理場，下佇買賣的人的城； |
| 17:5 | 閣取彼所在的種，栽佇肥地，插佇多多水的邊頭，親像栽柳樹， |
| 17:6 | 就漸漸大欉，成做葩藤低低的葡萄樹。伊的枝轉向彼隻鷹，根佇伊的下面，對按呢成做葡萄樹，生枝發藤。 |
| 17:7 | 「閣有一隻大鷹，翅大，毛實。看啊，此個葡萄樹對栽種的所在彎伊的根向伊，發伊的枝向伊，向望伊灌溉。 |
| 17:8 | 伊栽佇肥地多多水的邊頭，通發枝結果子，成做好的葡萄樹。 |
| 17:9 | 你著講，主耶和華按呢講：此個葡萄樹豈會發艷？鷹豈𣍐拔伊的根，除伊的果子，互伊枯焦嗎？互伊幼的葉攏枯焦，也呣免用大力及多多人拔出伊的根。 |
| 17:10 | 伊已經栽種，豈會發艷嗎？東風一下吹伊，豈𣍐攏枯焦嗎？欲佇伊發生的所在枯焦。」 |
| 17:11 | 耶和華的話閣臨到我講： |
| 17:12 | 「你著給彼個悖逆的家講：恁豈呣知諸個是甚麼意思嗎？你著給𪜶講，巴比倫王到耶路撒冷，掠伊的君王及貴族，帶到伊巴比倫遐。 |
| 17:13 | 對王親的中間揀一人及伊立約，教伊咒誓，閣掠國內有勢力的人， |
| 17:14 | 欲互國卑微𣍐會自強，獨獨守盟約就得著保存。 |
| 17:15 | 總是伊背叛，差使者去埃及，愛𪜶互伊馬及多多兵。伊豈會亨通嗎？行此號事的人豈會逃脫嗎？豈有背約猶走會離嗎？ |
| 17:16 | 主耶和華講：我指家己的永活來咒誓，巴比倫王設立伊做王。伊竟然藐視咒誓的話，背所立的約。因為按呢，伊的確死佇巴比倫王所踮的所在。 |
| 17:17 | 當𪜶起土堆造台，欲滅無多多人的時，法老導大隊兵及多多人來，也𣍐佇交戰中幫助伊。 |
| 17:18 | 伊背約來藐視咒誓，看啊，伊已經投降，猶久做出諸個一切的事，伊的確𣍐會逃脫。 |
| 17:19 | 所以主耶和華按呢講：「我指我的永活來咒誓，伊已經看輕指我所咒的誓，悖謬指我所立的約，我欲將此個罪歸佇伊的頭殼。 |
| 17:20 | 我欲用我的網拋佇伊的身上，伊欲互我的活罩罩著。我欲帶伊到巴比倫，亦欲佇遐審問伊干犯我的罪。 |
| 17:21 | 伊的軍隊中逃走者，攏欲倒佇刀下；所剩者，亦欲四散佇四方。恁就知講此個話者，是我──耶和華。」 |
| 17:22 | 主耶和華按呢講：「我亦欲取柏香樹中枝高的尾溜，來栽伊，亦欲對伊茈的枝的尾溜，遏折伊軟的枝，栽佇高高的山； |
| 17:23 | 我欲栽伊佇以色列高地的山。伊就開枝結子，成做好的柏香樹，各樣的飛鳥欲歇佇伊的下面，歇佇伊的枝的蔭影下。 |
| 17:24 | 田野的樹木攏欲知我──耶和華互高的樹降低，低的樹升高；青翠的樹枯焦，枯焦的樹茂盛。我─耶和華按呢講伊，也成伊。」 |
