經上記著說:『人活著,不是單靠食物,乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本:台語和合本 -
44:1 | 伊閣帶我倒轉到聖所的外面向東的門;彼個門關啲。 |
---|---|
44:2 | 耶和華給我講:「此個門的確著關,呣通開,無論甚麼人呣通對遐入;因為耶和華──以色列的上帝已經對遐入,所以著長長關啲。 |
44:3 | 論到人君,因為伊是人君,通坐佇彼內面,佇耶和華的面前食餅。伊著對此個門的廊入,也著對遐出。」 |
44:4 | 伊閣帶我對北門到殿的頭前。我就看,看見耶和華的榮光充滿耶和華的殿,我就仆落地。 |
44:5 | 耶和華給我講:「人子啊,我對你所講起耶和華殿內一切的禮儀法度,你著注意,用目睭看,用耳孔聽,也著注意殿堂入的所在及聖所一切出去的所在。 |
44:6 | 你也著對許個悖逆的對以色列家講,主耶和華按呢講:以色列家啊,恁行一切可惡的事,著掠做夠額! |
44:7 | 恁獻我的餅及油及血的時,恁導許個心無受割禮身軀也無受割禮的外邦人入我的聖所,來拍垃墋我的殿;閣背我的約,加添恁一切可惡的事。 |
44:8 | 恁也無盡忠佇顧守我聖物的職份,是為著恁本身派別人佇我的聖所顧守我交代恁的職份。 |
44:9 | 「主耶和華按呢講:以色列族中的外邦人,就是心無受割禮,身軀無受割禮的外邦人,攏呣通入我的聖所。」 |
44:10 | 「當以色列行迷路的時,有利未人離開我遠遠,就是行迷路離開我、去隨𪜶的偶像,𪜶著擔當𪜶的罪過。 |
44:11 | 總是𪜶欲佇我的聖所做差用,管理殿堂的門,佇殿內做差用;為著百姓刣燒祭及祭祀的精牲,欲徛佇伊的面前來服事𪜶。 |
44:12 | 既然佇𪜶的偶像的面前做百姓的差用,閣做塞礙互以色列家陷落罪過,所以我抬起手攻擊𪜶:𪜶欲擔當𪜶的罪過。這是主耶和華講的。 |
44:13 | 𪜶𣍐通親近我,對我行祭司的職份,也呣通親近我一件聖物,就是至聖的物;𪜶欲擔當𪜶的見誚及𪜶所行可惡的事。 |
44:14 | 總是我欲互𪜶擔當顧守殿的職份,辦理其中一切的事,及彼內面所著做的工。」 |
44:15 | 「以色列族行迷路離開我的時,祭司利未人撒督的子孫猶原顧守我的聖所。𪜶欲親近我、服事我,閣徛佇我的面前,用油及血獻互我。這是主耶和華講的。 |
44:16 | 𪜶欲入我的聖所,就近我的桌服事我,守我所交代𪜶做的。 |
44:17 | 𪜶入內院的門的時著穿幼苧衫。𪜶佇內院的門及佇殿內行職份的時攏呣通穿羊毛的衣服。 |
44:18 | 𪜶的頭殼頂著戴幼苧布的帽,腳腿著穿幼苧布的褲;彼個會流汗的攏呣通穿。 |
44:19 | 𪜶出去到外院就是到外院的百姓遐,著褪行職份的衣服,下佇聖的房間,穿別號的衣服,免得用𪜶的衫互百姓成聖。 |
44:20 | 𪜶呣通剃頭,也呣通互頭毛發長長,獨獨著剪頭毛。 |
44:21 | 祭司入內院的時攏呣通飲酒。 |
44:22 | 也呣通娶寡婦及受離出的婦仁人做某,獨獨著娶以色列族中的在室女,抑是祭司的寡婦。 |
44:23 | 𪜶著互我的百姓知聖的及平常的的精差,閣互𪜶分別無清氣的及清氣的。 |
44:24 | 有相告的事,𪜶著徛啲判斷,著照我的判斷來判斷。佇我一切的節期著守我諸個法度、律例,也著守我諸個安息日做聖。 |
44:25 | 𪜶呣通近倚死人拍垃墋家己,獨獨通為著老父、老母、子、查某子、兄弟、及猶未出嫁的姊妹拍垃墋家己。 |
44:26 | 伊已經清氣了後,著給伊閣算七日。 |
44:27 | 當伊入聖所到內院的日,欲佇聖所服事,著為本身獻贖罪祭。這是主耶和華講的。 |
44:28 | 「𪜶的確有產業,我是𪜶的產業。呣通佇以色列中互𪜶基業;我是𪜶的基業。 |
44:29 | 素祭、贖罪祭、補過失祭,𪜶攏通食伊,以色列中所獻一切的物攏歸佇𪜶。 |
44:30 | 見若起頭熟的物的第一個及一切禮物中的禮物攏歸佇祭司。恁也著用起頭出的麥粉互祭司;通互福氣臨到你的家。 |
44:31 | 無論鳥抑是獸,見若家己死的,抑是受擘拆的,祭司攏呣通食。」 |