經上記著說:『人活著,不是單靠食物,乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本:台語和合本 -
19:1 | 你著為以色列的王親做哀歌, |
---|---|
19:2 | 講:恁老母是甚麼?是母的獅,仆佇諸個獅的中間,佇細隻獅的中間養飼伊的子。 |
19:3 | 佇伊的子的中間飼一隻到大,學習咬物來食人。 |
19:4 | 列國聽見就佇𪜶的陷坑掠著,用鍊拖伊到埃及地。 |
19:5 | 母的獅看本身聽候到失望,就對伊細隻獅的中間閣取一隻養飼到大。 |
19:6 | 伊佇諸個獅的中間走來走去,成做勇的獅,學習咬物來食人。 |
19:7 | 伊知𪜶的宮殿,閣互𪜶的城變做拋荒;因為伊噤噤哮的聲,遍地及其中所有的就荒廢。 |
19:8 | 對按呢四圍的邦國對逐省來攻擊伊,用網拋佇伊的頂面;伊受掠佇𪜶的陷坑。 |
19:9 | 𪜶給伊鍊佇櫥裡,帶到巴比倫王遐,關伊佇堅固的所在,互伊的聲佇以色列山無閣聽見。 |
19:10 | 恁老母前親像葡萄樹,極其茂盛,栽佇水邊。因為水多,就結多多果子,發多多枝; |
19:11 | 生出嚴硬的枝椏,通做掌權者的柺。伊佇艷艷的枝椏中做極高者,因為高,就伊的椏的中枝挺起,互人看見。 |
19:12 | 總是此欉葡萄樹因為大受氣抵著拔起來㧒佇地裡;東風吹乾伊的果子,嚴硬的枝椏遏折枯焦,互火燒燎去; |
19:13 | 今栽佇曠野乾燥無水的地。 |
19:14 | 閣對伊枝椏的桿有火發出,燒伊的果子,致到伊無嚴硬的枝椏通做掌權者的枴。這是通哀傷的,通做哀歌。 |