走到哪裡都有麥子
.png){kind=icon}
.png){kind=icon}
經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -
| 12:1 | 「彼時，保護你的百姓的大人君米迦勒欲徛起來，欲有大困苦的時，對開國以來到彼時未曾有按呢。彼時你的百姓欲得著拯救，就是見若記佇冊裡的。 |
|---|---|
| 12:2 | 睏佇土粉中者，欲有多多人閣醒。有的得著永活，有的受見誚厭惡到永遠。 |
| 12:3 | 智慧的人欲發出光親像天的光；許個互多多人歸佇義的，欲親像光星直到永遠。 |
| 12:4 | 但以理啊，你著隱囥諸個話，封密此本冊到路尾的時。欲有多多人走來走去，閣見識欲加添。」 |
| 12:5 | 我──但以理啲看，看啊，另外有二個徛啲：一個佇河此旁岸，也一個佇河彼旁岸。 |
| 12:6 | 有一個給彼個徛佇河水的頂面、穿幼苧衫的人講：「諸個奇事的結局欲到偌久啊？」 |
| 12:7 | 我聽見彼個徛佇河水的頂面、穿幼苧衫的人，抬起伊的正手倒手向天，指永活的主來咒誓講：「欲到一個時期、二個時期、閣半時期，破壞聖的百姓的權力的時，諸個一切的事攏欲做完。」 |
| 12:8 | 我聽見也無明白，就講：「我的主啊，諸個事的結局是怎樣？」 |
| 12:9 | 伊講：「但以理啊，你做你去；因為諸個話已經隱囥封密，到佇路尾的時。 |
| 12:10 | 欲有多多人家己清氣到白白，閣受鍛煉；總是歹人猶原欲行歹，一切歹人𣍐明白，獨獨智慧的人會明白。 |
| 12:11 | 對除去日日所獻的祭祀，也徛彼個殘害可惡的物的時，欲有一千二百九十日。 |
| 12:12 | 見若聽候閣到一千三百三十五日的，彼個人有福氣。 |
| 12:13 | 「總是你著去到路尾的時，因為你欲安息。到路尾的時你欲徛佇你的地位。」 |
- 本章節結束 -
上一章