台語聖經

線上台語聖經

麥穗田首頁線上台語聖經

經上記著說：『人活著，不是單靠食物，乃是靠神口裡所出的一切話。』『主的話是我腳前的燈、是我路上的光。』
- 聖經採用通用版本：台語和合本 -

利未記第16章

章節快速選擇 :

上下篇聖經查閱：出埃及記民數記回到目錄

16:1	亞倫二個子近倚耶和華的面前來死。𪜶死了，耶和華吩咐摩西，對摩西講：
16:2	「著給你的兄亞倫講，呣通隨便時入聖所的帳簾內、到約櫃頂施恩所的面前，免得死，因為我欲佇雲中顯現佇施恩所的頂面。
16:3	亞倫欲入聖所著按呢，著帶一隻牛牨仔子做贖罪祭，一隻綿羊牨做燒祭。
16:4	伊著穿幼苧布聖的內衫，也著穿幼苧布的褲佇身軀裡，腰縖幼苧布的帶，頭戴幼苧布的帽；這攏是聖的衣服。伊著用水洗身軀，然後穿伊。
16:5	伊著對以色列人的會中取二隻山羊牨做贖罪祭，一隻綿羊牨做燒祭。
16:6	「亞倫著獻為本身做贖罪祭的牛牨，為著本身及伊的家贖罪；
16:7	也著用彼二隻山羊牨安置佇會幕門口、耶和華的面前，
16:8	亞倫著為著彼二隻山羊拈鬮，拈一隻歸耶和華，拈一隻歸阿撒瀉勒。
16:9	亞倫著用彼隻拈鬮歸耶和華的山羊獻做贖罪祭，
16:10	若是彼隻拈鬮歸阿撒瀉勒的山羊著活活安置佇耶和華的面前，替伊贖罪，放伊去曠野，歸佇阿撒瀉勒。
16:11	「亞倫著牽為家己做贖罪祭的牛牨仔，為著家己及伊的家贖罪；也著刣為家己做贖罪祭的牛牨仔；
16:12	也著提香爐，對耶和華的面前壇頂貯𤏸的火炭滿滿，也著用芳的香末一𢪋帶入帳簾內，
16:13	也佇耶和華的面前，將香下佇火裡，互香煙遮掩約櫃頂的施恩所，免得伊死；
16:14	也著提淡薄牛牨仔的血，用指頭仔灑佇施恩所的東勢，閣用指頭仔佇施恩所的面前灑血七擺。
16:15	「閣著刣彼隻為著百姓做贖罪祭的山羊牨，帶伊的血入帳簾內，用伊的血灑佇施恩所及施恩所的面前，親像灑牛牨仔的血一樣。
16:16	閣著因為以色列人的污穢、過失，及𪜶一切的罪惡替聖所贖罪，也著為著佇𪜶污穢的中間，相及住的會幕照按呢行。
16:17	亞倫入聖所贖罪的時，會幕內呣通有人佇啲，聽候伊為著本身及伊的家及以色列的會眾已經贖罪出來。
16:18	伊著出來，到耶和華面前的壇遐，替伊贖罪，也著提淡薄牛牨仔的血及山羊牨的血，抹佇壇頂許個角的四圍；
16:19	也著用伊的指頭仔灑血佇壇裡七擺，互伊清氣，離開以色列人的無清氣，分別伊做聖。」
16:20	「伊為著聖所、會幕、祭壇贖罪明白，著牽彼隻活的山羊牨來。
16:21	亞倫著用二手按佇活的山羊的頭殼，佇伊的頂面認以色列人一切的歹，𪜶一切的過失，及𪜶一切的罪過，攏歸佇山羊的頭殼，交代所派的人，送去曠野。
16:22	彼隻山羊欲擔當𪜶一切的歹，到無人住的所在，伊就放山羊佇曠野。
16:23	「亞倫著入會幕，褪伊入聖所的時所穿幼苧的衣服，留佇遐，
16:24	閣著佇聖的所在用水洗身軀，穿伊的衫，出來，獻伊的燒祭及百姓的燒祭，為著本身及百姓贖罪。
16:25	贖罪祭的油著燒伊佇壇頂。
16:26	彼個放山羊歸佇阿撒瀉勒的人，著洗伊的衫，用水洗身軀，然後通入營內。
16:27	做贖罪祭的牛牨及贖罪祭的山羊，𪜶的血已經帶入聖所贖罪，𪜶的身體著帶出營外，用火燒𪜶的皮、𪜶的肉、𪜶的糞。
16:28	燒𪜶的人著洗伊的衫，用水洗身軀，然後通入營內。」
16:29	「逐擺抵著七月初十日，恁著刻苦恁的心，無論是本地人，抑是寄腳佇恁中間的外人，攏呣通做甚麼工；這欲做恁永遠的例。
16:30	因為佇此日欲給恁贖罪，互恁清氣。恁欲佇耶和華的面前得著清氣，脫離一切的罪過。
16:31	此日恁著守做大的安息日，恁著刻苦恁的心；這是做永遠的例。
16:32	彼個受抹油、來設立伊當聖職的祭司，就是承接伊的老父做祭司的，著行贖罪的禮，著穿幼苧布的衫就是聖衫。
16:33	伊著為著聖的聖所贖罪，也為著會幕及祭壇贖罪，閣為著眾祭司及全會的百姓贖罪。
16:34	這著做恁永遠的例就是因為以色列人一切的罪，著一年一擺為著𪜶贖罪。」亞倫就照耶和華所命令摩西的來行。

- 本章節結束 -

聯繫資訊

線上台語聖經

台語聖經

利未記第16章

快速導航

相關資訊

聯絡麥穗田

聯繫資訊

線上台語聖經

台語聖經

利未記 第16章

利未記第16章